भंडारा,दि. 20- भंडारा येथील भाजपाचे आमदार रामचंद्र अवसरे यांनी एका पोलिसाच्‍या कानशिलात लगावली होती. एका मिरवणूकीतून आमदाराची कार चालत होती. पोलिसाने आमदाराच्‍या कारचालकाला कार बाजूला घेण्‍यास सांगितले. यावरुन हा वाद निर्माण झाला. आमदाराची ही दबंगगीरी कॅमे-यात कैद झाली. पोलिसाला मारहाण केल्‍याप्रकरणी आमदाराच्‍या विरोधात गुन्‍हा दाखल करण्‍यात आला. त्‍यानंतर आज भाजप आमदार रामचंद्र अवसरे यांनी पोलिसांकडे आत्मसमर्पण केले आहे.
