गोंदिया, दि.२८ ःः जिल्हा तलावांचा जिल्हा असला तरी मागील वर्षी पावसाने चांगलीच दडी मारल्याने अपेक्षित मत्स्योत्पादन होऊ शकले नाही. या वर्षीची परिस्थितीसुद्धा चिंताजनक आहे. त्यामुळे सन २0१७-१८ करिता जिल्हा परिषद गोंदिया अंतर्गत असलेल्या मासेमारी तलावांची लीज पूर्णत: माफ करावी, अशी मागणी भोई, ढिवर, कहार व तत्सम मासेमारी समिती जिल्हा गोंदियाने केली आहे. या मागणीचे निवेदन मासेमार समितीचे जिल्हा अध्यक्ष कोमेश कांबळे व प्रतिनिधी मंडळाने २५ जून रोजी जिल्हा परिषद गोंदियाचे मुख्य कार्यकारी अधिकारी, जि. प. अध्यक्ष व उपाध्यक्ष यांना सादर केले.
उल्लेखनीय असे की, भंडारा जिल्हा परिषदेने सन २0१७-१८ ची लीज माफ करून मासेमारबांधवांना मोठा दिलासा दिला आहे. निवेदनात या बाबीचा खास उल्लेख करण्यात आला असून गोंदिया जिल्हा परिषदेनेसुद्धा जिल्हा परिषद तलावांची लीज माफ करून मासेमारांना सहकार्य करावे अशी विनंती केली आहे.निवेदन देतेवेळी अध्यक्ष कोमेश कांबळे, सचिव दिनेश दुधबुरे, उपाध्यक्ष जयेंद्र बागडे, जयचंद नगरे, गोमाजी शेंडे, राजकुमार कांबळे, सुकलाल उके, हेमराज मेर्शाम,देवेंद्र देवगडे, भाऊलाल तुमसरे, शिवानंद तुमसरे, भारत तुमसरे, रामचंद्र मेर्शाम, प्रमोद मेर्शाम, देबिलाल भूमके, शिवचरण नागपुरे, पवन कांबळे, तुलसीदास वलथरे, महिपाल रेहकवर, अनमोल मारबते, यशवंत दिघोरे उपस्थित होते.
