जिल्ह्यात सर्वदूर पाऊस,तिरोडा तालुक्यात अतिवृष्टी,गोरेगावत युवक वाहून गेला

दोन दिवसाच्या पावसात शास्त्री वॉर्डात पाणीच पाणी

गोरेगावात पांगोली नदीच्या पुरात वाहून गेला युवक

मुरदोली,चांदोरी-बघोली,पिंडकेपार नाल्यावरीवरील पुरामूळे वाहतुक बंद

गोंदिया,दि.28ः- जिल्ह्यासह शहरात दिवसांपासून पावसाची रिपरीप सुरू आहे.मात्र दोन दिवसांपासून येत असलेल्या पावसाने शहरातील प्रभाग क्र.२० मधील शास्त्री वॉर्डाला पुन्हा तलावाचे स्वरूप आले आहे. त्यामुळे नागरिकांची चांगलीच तारांबळ उडाली आहे. त्यातच आजपर्यंत जिल्ह्यात ९२५.५४ मि.मी. पावसाची नोंद करण्यात आली आहे.दोन्ही दिवस सतत सुरु असलेल्ङ्मा पावसामुळे तिरोडा तालुक्यात अतिवृष्टी झालेली आहे.तर चांदोरी-बघोली रस्ता बंद पडला आहे.गोरेगाव तालुक्यातील म्हसगाव ते कमरगाव रस्त्यावरील नाल्यात कार्तिक भीमराज रहांगडाले पुरात एक युवक वाहून गेल्याची घटना घडली आहे.आपत्तीनिवारणाची चमू घटनास्थळावर पोचली आहे.

पावसाने वॉडार्तील महालक्ष्मी राईस मिलच्या मागील परिसर पाण्याने तुडूंब भरला आहे. नाल्यातील पाणी रस्त्यावर साचत असल्याने येथील नागरिकांचे आरोग्य धोक्यात आले आहे. विशेष म्हणजे मागील महिन्यात झालेल्या अतिवृष्टीने अशीच परिस्थिती निर्माण झाले होती. तेव्हा नगर परिषदेचे मुख्याधिकारी चंदन पाटील यांनी वॉर्डात भेट देवून परिस्थिती पाहणी केली. व आठ दिवसात तोडगा काढणार असल्याचे येथील नागरिकांना आश्वासन दिले. मात्र समस्यांचा विसर पडल्याने येथील नागरिकांना अडचणींचा सामना करावा लागत आहे.

शहरातील मध्यभाग म्हणून शास्त्री वॉर्डाची ओळख आहे. राज्य महामार्गाला लागून असलेला हा परिसर कित्येक वर्षांपासून विकासाच्या प्रतिक्षेत आहे. शास्त्री वॉर्डात महालक्ष्मी राईस मागील परिसरात रस्ता अवरूध्द असून ये-जा करण्याचे कोणतेही साधन येथील नागरिकांना उपलब्ध नाही. मागील कित्येक वर्षांपासून या परिसरात रस्ता व सांडपाणी वाहक नाल्यांच्या समस्येने ग्रस्त आहे. असे असूनही नगर परिषदेने याकडे लक्ष दिले नाही. अशात १६ व १७ जुलैच्या मुसळधार पावसाने परिसराला तलावाचे स्वरूप आले होते. पावसाने सुखराम खोब्रागडे, राजु टोले, अशोक येटरे यांच्यासह अनेकांच्या घरात दीड ते दोन पाणी शिरले. या माहिती मिळताच नगर परिषदेचे मुख्य अधिकारी चंदन पाटील यांनी परिसराला भेट देवून नागरिकांच्या समस्या ऐकल्या. व परिसराची पाहणी केली. दरम्यान नगर परिषदेच्या सभेत ठराव घेवून रस्ता काढण्याची सर्वोपरी उपाय करणार असल्याचे आश्वासन उपस्थितांना दिले.  मात्र वॉर्डातून जाताना आश्वासनाचा विसर मुख्याधिकार्‍यांना पडला. दोन दिवसांपासून सुरू असलेल्या पावसाने शास्त्री वॉर्डाला पुन्हा तलावाचा स्वरूप आले. वॉर्डाचे नगरसेवक सुनिल तिवारी यांनी तात्पुरती व्यवस्था करून पाणी काढण्यासाठी उपाययोजना केली. मात्र यावर काही जमिन मालकांनी आक्षेप घेवून पाणी काढण्यासाठी खोदण्यात आलेल्या नाली बुजविले. यामुळे परिसरातील नागरिकांच्या घरात पाणी साचला आहे. अशात यावर लवकरच काही तोडगा काढण्यात आला नाही तर येथील नागरिक आंदोलन करणार असल्याचा इशाराही नगर परिषद प्रशासनाला देण्यात आला आहे.