गोंदीया,दि.28 – शासन धोरणाच्या विरोधात अखिल भारतीय औषध संघटनेने ऑनलाईन औषध विक्री व ई-पोर्टलबाबत विरोधात आज(दि.28) देशव्यापी बंदचे आवाहन केले होते.त्या आवाहनात सहभागी होत गोंदिया जिल्हा औषधी विक्रेता संघाने जमनालाल बजाज यांच्या प्रतिमेपासून मोर्चा काढून केंद्रसरकारच्या धोरणाच्या निषेध नोंदविला.या मोर्च्यात उत्पल शर्मा,ललीत सोनछात्रा,रुपेश रहागंडाले,सुशील शर्मा,नत्थु शहा,पंकज अग्रवाल,राहुल गौतम यांच्यासह सर्वच औषध विक्रेता सहभागी झाले होते.
आजच्या बंदमध्ये जिल्ह्यातील औषध विक्रेत्यांनी १०० टक्के दुकाने बंद ठेवली होती.तसेच व्यापारात एफडीआय़च्या सहभागाचा विरोधासाठी औषध विक्रेत्यांच्या बंदला गोंदिया शहरातील इतर व्यापारी संघटनांनीही पाठिंबा दिला होता.त्यामध्ये किराणा व्यापारी, कपड्याचे व्यापारी, किरकोळ व्यापारी यांनीसुद्धा दुकाने बंद ठेवली आहेत. गोंदिया शहरात आज सकाळपासून औषध दुकानाप्रमाणे इतर दुकानेसुद्धा काहीप्रमाणात उघडली गेली नाही.