लाखांदूर,दि.१४ः- भंडारा जिल्ह्यातील लाखांदूर तालुक्यातील रोहिणी येथील रहिवासी सौ. सुगंधाताई शंभू हरडे यांचे वयाच्या ८६ व्या वर्षी वृद्धापकाळाने मुलगी सौ.सुनीता चिड्यामण पाटील माटे यांचे राहते घरी साखरा येथे आज दि.१४/१०/२०२४ निधन झाले.त्यांच्यावर उद्या मंगळवारी दि.१५/१०/२०२४ ला सकाळी १०.३० वाजता अंत्यविधी साखरा ता.लाखांदूर जि भंडारा येथील स्मशानभूमीत करण्यात येणार आहे.

गोंदिया : शहरातील गढ्ढाटोली येथील श्रीमती उमा मोतीलालजी श्रीवास्तव (वय 73) यांचे रविवार, 13 ऑक्टोबर रोजी सायंकाळ 5 वाजता निधन झाले. त्यांच्यावर स्थानिक स्मशानभूमी येथे आज, (ता. 14) दुपारी 1 वाजता अंत्यसंस्कार करण्यात आले. त्यांच्या पश्चात मुलगा, दोन मुली, जावई, नातवंड असा बराच मोठा आप्त परिवार आहे.
0000000

 नागपूर, दि 14 ऑक्टोबर 2024: – राज्य शासनाच्या मुख्यमंत्री बळीराजा मोफत वीज योजनेनुसार एप्रिल 2024 पासून राज्यातील 7.5 अश्वशक्तीपर्यंतच्या कृषिपंपांना मोफत वीजपुरवठा करण्यात येत आहे. या योजनेचा नागपूर प्रादेशिक विभागामध्ये नागपूर, वर्धा, अकोला, बुलढाणा, वाशिम, अमरावती, यवतमाळ, चंद्रपूर, गडचिरोली, गोंदीया आणि भंडारा जिल्हयातील 9 लाख 48 हजार 798 कृषिपंपधारक शेतकऱ्यांना फायदा होणार आहे. या शेतकऱ्यांच्या एप्रिल ते जून 2024 च्या त्रैमासिक वीजबिलांपोटी राज्य शासनाकडून 487 कोटी 25 लाख रुपयांची रक्कम प्राप्त महावितरणला प्राप्त झाली आहे. त्यानुसार शेतकऱ्यांना वीजबिल प्राप्तीच्या पावत्या म्हणजेच शून्य वीजबिलांचे वितरण महावितरणकडून करण्यात आले आहे.

  राज्यात महावितरणचे 47 लाख 41 हजार कृषिपंपधारक वीजग्राहक आहेत. या कृषिपंपांकडून 39 हजार 246 दशलक्ष युनिट वार्षिक वीजवापर होतो. शेती मुख्यत्वे पावसावर अवलंबून आहे व अनियमित पर्जन्यमानामुळे शेतकरी अडचणीत आले आहेत. त्यामुळे राज्य शासनाने शेतकऱ्यांना आधार देण्यासाठी मुख्यमंत्री बळीराजा मोफत वीज योजना जाहीर केली आहे व त्याची अंमलबजावणी महावितरणकडून करण्यात येत आहे.

मुख्यमंत्री बळीराजा मोफत वीज योजनेनुसार राज्यातील 44 लाख 28 हजार 564 शेतकऱ्यांच्या 7.5 अश्वशक्ती क्षमतेपर्यंतच्या कृषिपंपांना मोफत वीजपुरवठा करण्याचा व त्यासाठी 14 हजार 760 कोटी रुपये अनुदान महावितरणला देण्याचा राज्य शासनाने निर्णय घेतला आहे. विदर्भात महावितरणचे एकूण 9 लाख 64 हजार 736 कृषिपंपधारक वीजग्राहक आहेत. यामध्ये 9 लाख 48 हजार 798 कृषिपंपांची क्षमता 7.5 अश्वशक्तीपर्यंत तर उर्वरीत 15 हजार 938 कृषिपंपांची क्षमता त्यापेक्षा जास्त आहे. या योजनेनुसार 7.5 अश्वशक्तीपर्यंतच्या कृषिपंपांना एप्रिल 2024 पासून पाच वर्षांपर्यंत मोफत वीजपुरवठा करण्यात येणार आहे. त्याप्रमाणे विदर्भातील 9 लाख 48 हजार 798 कृषिपंपांच्या एप्रिल ते जून 2024 या त्रैमासिक वीजबिलांपोटी राज्य शासनाकडून 487 कोटी 58 लाख रुपयांचा भरणा करण्यात आला आहे. त्यामुळे या सर्व शेतकऱ्यांना वीजबिलाची रक्कम प्राप्त झाल्याची पावती वितरीत करण्यात आली आहे.

या योजने अंतर्गत नागपूर प्रादेशिक विभाग अंतर्गत 7.5 अश्वशक्तीपर्यंत नागपूर जिल्ह्यातील 1 लाख 1 हजार 857 कृषिपंपधारक शेतकऱ्यांचे 39 कोटी 33 लाखाचे, वर्धा जिल्ह्यातील 82 हजार 210 कृषिपंपधारक शेतकऱ्यांना 39 कोटी 33 लाख, अकोला जिल्ह्यातील 67 हजार 644 कृषीपंपधारक शेतक-यांना 47 कोटी 49 लाख, अमरावती जिल्ह्यातील 1 लाख 43 हजार 789 कृषीपंपधारक शेतक-यांना69 कोटी 91 लाख, भंडारा जिल्ह्यातील 56 हजार 618 कृषीपंपधारक शेतक-यांना 32 कोटी 49 लाख, बोलढाणा जिल्ह्यातील 1 लाख 67 हजार 570 कृषीपंपधारक शेतक-यांना 82 कोटी 65 लाख, चंद्रपूर जिल्ह्यातील 47 लाख 834 कृषीपंपधारक शेतक-यांना 12 कोटी 88 लाख, गडचिरोली जिल्ह्यातील 41 हजार 748 कृषीपंपधारक शेतक-यांना 22 कोटी 70 लाख, गोंदीया जिल्ह्यातील 47 हजार 251 कृषीपंपधारक शेतक-यांना 37 कोटी 96 लाख, वाशिम जिल्ह्यातील 64 हजात 955 कृषीपंपधारक शेतक-यांना 43 कोटी 73 लाख आणि यवतमाळ जिल्ह्यातील 1 लाख 27 हजार 122 कृषीपंपधारक शेतक-यांचे 80 कोटी 97 लाखाचे चालू वीज बिल माफ़ झाले असून या सर्व शेतक-यांना पुढिल पाच वर्षे  मोफत वीज उपलब्ध होणार आहे.

सेवा संस्था व वनविभाग गोंदिया यांच्या संयुक्त विद्यमानाने विविध कार्यक्रमाचे आयोजन

गोंदिया,दि.१४ः पृथ्वीवर प्रचंड जैवविविधता आहे. परंतु जंगलतोड, वाढते शहरीकरण वन्यजीवांच्या अधिवासावर मानवी अतिक्रमण यासारख्या बाबीमुळे हल्ली माणसाचा जंगली प्राण्यांशी फारसा संबंध येत नाही आणि येतो तेव्हा दोन्ही बाजूंना फारसा आनंददायक नसतो, म्हणचेच मानव वन्यजीव संघर्ष हि परिस्थिती बदलण्यासाठी या वन्यजीव सप्ताहचे आयोजन केले जाते. नामशेष होत चाललेल्या वन्यजीवांचे संरक्षण-संवर्धन करून त्याबद्दल जनजागृती करणे हा त्यामागील हेतू आहे. भारतात सन १९५२ साली पासून वन्यजीव सप्ताह साजरा केला जात आहे.
सेवा संस्था मागील दोन दशकापासून वन्यजीव संरक्षण व संवर्धन या क्षेत्रात कार्यरत आहे. दरवर्षीप्रमाणे या वर्षी सुद्धा सेवा संस्थेद्वारे वनविभागासोबत मिळून वन्यजीव सप्ताह साजरा करण्यात आला. या अनुसंघाने पहिल्या दिवसी जगत हायस्कूल घाटटेमनी येथे सारस पक्षी संरक्षण-संवर्धन व जैवविविधतेवर जनजागृती कार्यक्रम राबविण्यात आले. दुसऱ्या दिवसी पर्यावरण वाचवा-वन्यजीव वाचवा असे उद्घोषणा करत सायकल रैली द्वारे गोंदिया शहरात जनजागृती करण्यात आले. सोबतच वनविभाग गोंदिया येथे जिल्ह्यातील सारस मित्र स्वयंसेवीसाठी सारस पक्षी संवर्धन-संरक्षण चर्चासत्र कार्यशाळाचे आयोजन करून साध्यास्थितीत सारस पक्षी संरक्षण-संवर्धन यावर सविस्तर चर्चा करण्यात आली. वन्यजीव सप्ताहच्या चौथ्या दिवसी संत कबीर हायस्कूल सिवनी, संत जयरामदास आदिवासी आश्रम शाळा कामठा येथे सारस पक्षी संरक्षण-संवर्धन व जैवविविधतेवर जनजागृती कार्यक्रम राबविण्यात आले. पाचव्या दिवशी नवीन पिढ्यांमध्ये वन्यजीवांबद्दल जिव्हाळा निर्माण करण्याच्या दृष्टीने गोरेगाव वनपरिक्षेत्र अंतर्गत नवेगाव-नागझिरा बफर क्षेत्रात, जगत विज्ञान कॉलेज गोरेगावच्या विद्यार्थ्यांना निसर्ग भ्रमणाद्वारे वन्यजीवांचे महत्व पटवून देण्यात आले, सोबच धोटे बंधु विज्ञान कॉलेज येथे पोस्टर प्रदर्शनी स्पर्धा आयोजित करण्यात आली होती. वन्यजीव सप्ताहच्या शेवटी कार्यक्रमाचे समापन कार्यक्रम नवेगाव-नागझिरा येथे करण्यात आला. अश्या प्रकारे पूर्ण सात दिवस विविध ठिकाणी कार्यक्रम घेण्यात आले व वन्यजीव सप्ताह साजरा करण्यात आला.
सदर वन्यजीव सप्ताहला प्रमोद पंचभाई, उपवनसंरक्षक वनविभाग गोंदिया, सावन बहेकार, अध्यक्ष सेवा संस्था याचे मोलाचे मार्गदर्शन लाभले. तसेच सर्व शाळा विद्यालयाचे शिक्षक वृंद, वनविभागाचे अधिकारी/कर्मचारी, सारस मित्र यांचे मोलाचे सहकार्य लाभले. सेवा संस्थेचे शशांक लाडेकर,कन्हैया उदापुरे,अविजित परिहार,दुष्यंत आकरे,सुशील बहेकार,डीलेश कुसराम,गौरव मटाले,प्रतिक लाडेकर,भास्कर कापसे,हसीन चिखलोंडे,बबलू चुटे,कैलास हेमने,निशांत कुर्वे यांनी वन्यजीव सप्ताह यशस्वीपणे साजरा करण्यासाठी मोलाची कामगिरी केली.