गडचिरोली-राज्याचे मुख्यमंत्री देवेंद्र फडणवीस हे आज सोमवारी गडचिरोली जिल्ह्याच्या दौर्यावर आले होते.त्यांचा हा पहिलाचा जिल्हा दौरा होता.मुख्यमंत्री फडणवीस यांनी गडचिरोली जिल्ह्याला पालकजिल्हा स्विकारण्याची तयारी केली त्यादृष्टीने हा महत्वाचा दौरा होता.सकाळी त्यांचे जिल्ह्यातील कुरखेडा येेथे आगमन झाले.त्यांनी यावेळी येथील अगरबत्ती व बाम्बू कला प्रकल्पाची पाहणी करुन माहिती घेतली.ग्रामीण हस्तकला व वनकायार्लयाला भेट देऊन अधिकारी आणि कमर्चारी यांची भेट घेत चचार् केली.नक्षलग्रस्त कुरखेडा,कोरची तालुक्यातील समस्यावर यावेळी माहिती घेतली.त्यानंतर गडचिरोली येथील जिल्हाधिकारी कायार्लयात आयोजित बैठकीत जिल्ह्यातील योजनांचा आढावा घेतला.आणि भारतीय जनता पक्षाच्या सदस्यता अभियानाची सुरवात पक्षाच्या मेळाव्यातून केली.खासदार अशोक नेते,आमदार,जिल्हा परिषदेचे पदाधिकारी आदी उपस्थित होेते.

नागपूर- विदर्भ व मराठवाडा आणि खानदेशातील दुष्काळग्रस्त शेतकऱ्यांसाठी सरकारने अधिवेशनापूर्वी पॅकेज जाहीर करावे अन्यथा राज्यभर आंदोलन छेडण्यात येईल, असा इशारा कॉंग्रेसचे प्रदेशाध्यक्ष माणिकराव ठाकरे यांनी आज पत्रकार परिषदेत दिला.

आठ डिसेंबरपासून विधिमंडळाचे अधिवेशन नागपुरात सुरू होत आहे. या पार्श्‍वभूमीवर कॉंग्रेस पक्षाची भूमिका ठरविण्यासाठी आज कॉंग्रेस नेत्यांची नागपुरात बैठक झाली. त्या बैठकीनंतर ते पत्रकारांशी बोलत होते. कोरडवाहू शेतकऱ्यांना 25 हजार रुपये एकरी आणि फळबागायतदारांना 50 हजार रुपये एकरी मदत जाहीर करावी, अशी मागणी केली. एक डिसेंबरपासून आंदोलनाचा बिगुल फुंकणार आहे. चार डिसेंबर रोजी राज्यभर रास्ता रोको आंदोलन करण्यात येणार आहे. राज्यातील 50 टक्‍क्‍यांपेक्षा अधिक गावे दुष्काळग्रस्त आहेत.

अहमदनगर जिल्ह्यातील जवखेडा येथे दलितांवर झालेल्या अत्याचाराच्या प्रकरणातील आरोपींचा शोध घेण्यास सरकार अपयशी ठरत आहे. यामुळे या प्रकरणाची चौकशी सीबीआयकडे सोपविण्यात यावी, अशी मागणी त्यांनी केली. राष्ट्रपती शासन असताना राज्यपालांनी आणि आता मुख्यमंत्र्यांनी दलित कुटुंबीयांची भेट घेतली नाही. यामुळे सरकारच्या संवेदना संपल्या असल्याची भावना निर्माण झाली असल्याचे ते म्हणाले. निलंबित आमदारांवर हेतुपुरस्सर कारवाई केली आहे. अजूनही काही आमदारांवर कारवाईचा बडगा उगारू शकते, अशी भीतीही त्यांनी व्यक्त केली.

भाजप सरकार आवाजी मताने विश्‍वासदर्शक ठराव जिंकल्याचे म्हणत असले, तरी घटनेला अनुसरून नाही. यामुळे सरकारने विशेष अधिवेशन बोलवून मतदानातून बहुमत सिद्ध करावे, अशी मागणी माजी मुख्यमंत्री पृथ्वीराज चव्हाण यांनी केली.
विधानसभेत सभागृहातील ज्येष्ठ सदस्याबद्दल अपशब्द वापरल्यामुळे महसूलमंत्री एकनाथ खडसे यांच्या विरोधात विधानसभेत हक्कभंग आणणार आहोत. सध्या विरोधी पक्ष आणि सत्ताधारी पक्षामध्ये “लुटुपुटु‘ची लढाई सुरू आहे. त्यामुळे राष्ट्रवादी, शिवसेना व अपक्ष गोंधळात आहे. आम्ही मात्र, मतदारांनी दिलेली विरोधी पक्षाची भूमिका योग्य पद्धतीने पार पाडण्यासाठी कटिबद्ध आहोत, असेही स्पष्ट केले. शिवसेना सत्तेत वाटा मिळविण्यासाठी प्रयत्नशील असल्याने विरोधकांच्या भूमिकेत कुठेही दिसत नसल्याचेही ठाकरे म्हणाले

वृत्तसंस्था
नागपूर-राज्यातील भाजपचे अल्पमतातील सरकार काँग्रेसचे आणखी काही आमदार निलंबित करून बहुमत सिद्ध करू पाहत आहे, असा आरोप माजी मुख्यमंत्री पृथ्वीराज चव्हाण यांनी केला.ते रविवारी नागपूरात एका खासगी कायर्क्रमासाठी आले असता बोलत होते.
विधानसभेच्या विशेष अधिवेशनाच्या तिसऱ्या दिवशीच्या प्रकरणासंदर्भात विधानसभा अध्यक्षांनी एक समिती स्थापन केली आहे. यात काँग्रेसचा एकमेव सदस्य आहे. काँग्रेसच्या पाच आमदारांना निलंबित करणे योग्य होते काय, या प्रकरणात आणखी कुणाला निलंबित करता येईल, याचा निर्णय ही समिती घेणार आहे. अशाप्रकारे काँग्रेस आमदारांना निलंबित करण्याचा भाजपाचा कुटील डाव आहे. निलंबित आमदारांना मतदान करता येणार नाही आणि भाजपला बहुमत सिद्ध करणे सोपे जाईल. हे षडयंत्र भाजपचे आहे, असा आरोप काँगे्सचे जेष्ठ नेते व माजी मुख्यमंत्री पृथ्वीराज चव्हाण यांनी केला.
भाजपने विश्वासमत सिद्ध करताना कायदा पाळला नाही. राज्यपालांनी त्यांना १५ दिवसात बहुमत सिद्ध करावयास सांगितले होते. भाजपने ती प्रक्रिया पूर्ण केलेली नाही. जोपर्यंत प्रक्रिया पूर्ण केली नाही तोपर्यंत ही सरकार असंवैधानिक आहे.
सभागृहात मतदान झाल्यावरच कोण सरकारमध्ये आहे आणि कोण नाही ते कळेल. सभागृहाबाहेर पाठिंबा जाहीर करून चालत नाही. एस.आर. बोम्मईच्या प्रकरणात सर्वोच्च न्यायालयाचे आदेश असून, या आदेशाचे कायद्यात रूपांतर झाले आहे. त्यामुळे या सरकारने विशेष अधिवेशन बोलावून ८ डिसेंबरला मतदान घेऊन आपले बहुतम सिद्ध करावे. हे बहुतम मतविभाजनद्वारे करण्यात यावे. भाजपकडे १४५ सदस्य नाहीत. त्यामुळेच राज्यपालांनी त्यांना १५ दिवसात बहुमत सिद्ध करण्याचे निर्देश दिले होते.
मोदी सरकारच्या बाबतीत हा मुद्याच नव्हता. राज्यातील भाजप सरकार अल्पमतात आहे. या सरकारने विश्वासमत जिंकलेले नाही. केवळ घोडेबाजार सुरू आहे. कुणाला कोणते मंत्रिपद हवे, यासाठी घासाघीस चाललेली आहे, असेही ते म्हणाले.