संख(जमादार राजेभक्षर),दि.11ः– सांगली जिल्ह्याचे सुपुत्र रिपब्लिकन पक्षाचे राष्ट्रीय अध्यक्ष तथा केंद्रीय राज्यमंत्री ना.रामदास आठवले हे रविवार १२ मे रोजी सांगली जिल्ह्याच्या दुष्काळी भागाच्या पाहणीसाठी येत आहेत.ते यावेळी जत व आटपाडी खानापूरच्या दुष्काळग्रस्त भागात भेटी देणार असून नागरिकांशी सवांद साधणार असल्याची माहिती आरपीआयचे लोकसभा क्षेत्र अध्यक्ष संदेश भंडारे यांनी दिली. सांगली जिल्ह्यातील जत, आटपाडी, खानापूर, कवठेमहांकाळ,तासगांव व मिरज पूर्व भाग दुष्काळात होरपळून निघाला आहे. पिण्याच्या पाण्याची भीषण टंचाई झाली आहे, अशा दुष्काळसदृश्य परिस्थिती पाहण्यासाठी केंद्रीय राज्यमंत्री आठवले येणार आहेत.तरी जिल्ह्यातील रिपब्लिकन कार्यकर्त्यांनी उपस्थित रहावे असे आवाहन लोकसभा क्षेत्र अध्यक्ष संदेश भंडारे यांनी केले.
