भंडारा दि.14 (जिमाका) जिल्ह्यात आज 2 रुग्ण कोरोनामुक्त होऊन घरी परतले असून 2 व्यक्तींचा अहवाल कोरोना पॉझिटिव्ह आला आहे. पॉझिटिव्ह रुग्णांपैकी एक मोहाडी व एक भंडारा येथील आहे. जिल्ह्यात आतापर्यंत 41 व्यक्तींनी कोरोनावर यशस्वी मात केली आहे. जिल्ह्यात कोरोना पॉझिटिव्ह आता केवळ 10 रुग्ण उपचार घेत आहेत. आतापर्यंतच्या कोरोनाबाधितांची संख्या 51 एव्हढी आहे.
नागपूरच्या विषाणू चाचणी प्रयोगशाळेत तपासणीसाठी पाठविण्यात आलेल्या स्वॅबचा अहवाल आज 14 जून रोजी प्राप्त झाला असून आज 2 रुग्ण कोरोनामुक्त होऊन घरी परतले तर दोघांचा अहवाल पॉझिटिव्ह आला आहे. जिल्ह्यातील कोरोना बधितांची संख्या 51 इतकी असून यामध्ये क्रियाशील रुग्ण 10 आहेत तर 41 रुग्ण आतापर्यंत कोरोनामुक्त झाले आहेत.
आतापर्यंत 2835 व्यक्तींच्या घशातील स्त्रावाचे नमुने नागपूर येथील प्रयोगशाळेत पाठविण्यात आले आहे.त्यापैकी आतापर्यंत 51 व्यक्तींचा अहवाल पॉझिटिव्ह तर 2685 व्यक्तींचा अहवाल निगेटिव्ह आला आहे. 100 नमुन्यांचा अहवाल प्राप्त व्हायचा आहे.
आज 14 जून रोजी आयसोलेशन वार्ड मध्ये 14 व्यक्ती भरती असून आतापर्यंत 404 व्यक्तींना आयसोलेशन वार्ड मधून डिस्चार्ज देण्यात आला आहे. तर कोविड केअर सेंटर साकोली, तुमसर व मोहाडी येथे 302 भरती आहेत. 2149 व्यक्तींना रुग्णालय क्वारंटाईन मधून डिस्चार्ज देण्यात आला आहे.
पुणे, मुंबई व इतर राज्यातून 41774 व्यक्ती भंडारा जिल्ह्यात आले असून 34563 व्यक्तींचा 28 दिवसांचा होम क्वारंटाईन कालावधी पूर्ण झाला आहे. तसेच अन्य ठिकाणाहून आलेल्या 7211 व्यक्तींना होम क्वारंटाईन करण्यात आले असून त्यांनी घरामध्येच रहावे, घराबाहेर पडू नये अशा सक्त सूचना प्रशासनाने दिल्या आहेत.
