अकोल्यातील ५४ वर्षीय तक्रारदारांने घरी सोलर ऊर्जा लावण्यासाठी महावितरणकडे परवानगीसाठी अर्ज केला होता. त्यासाठी महावितरणचे कार्यकारी अभियंता मोरेश्वर नारायण शिरसे याने तक्रारदारास २ हजार रूपयांची मागणी केली. तक्रारदाराने याबाबत अकोला लाचलुचपत विभागाकडे तक्रार नोंदवली. त्यानुसार एसीबीने २८ जानेवारीला तक्रारीची पडताळणी केली. त्यानंतर आज सकाळी कार्यालयात सापळा रचून तक्रारदारास मोरेश्वर शिरसे यांच्या कार्यालयात २ हजार रुपये लाचेची रक्कम देण्यासाठी पाठविण्यात आले.तक्रारदाराकडून लाच स्विकारताच एसीबीने कार्यकारी अभियंता शिरसे यांना ताब्यात घेतले.कारवाई एसीबीचे उपअधीक्षक संजय गोरले यांच्या नेतृत्वातील पथकाने केली.
