गडचिरोली,दि.07ः- जिल्ह्यातील अहेरी उपविभागांतर्गत येत असलेल्या मूलचेरा पोलीस ठाण्यात कार्यरत पोलीस उपनिरीक्षक धनराज क्षिरसाट यांची पत्नी संगीता (28) हिने राहत्या घरात स्वतःवर राइफलने गोळ्या झाडून आत्महत्या केल्याची घटना आज(दि.7)घडली.राईफलीचा आवाज येताच मुलांनी आरडाओरड करताच शेजार्यांनी धाव घेतली.संगीताला जखमी अवस्थेत बघून मुलचेरा पोलीसांनी तातडीने चंद्रपुर जिल्हा सामान्य रुग्णालय येथे उपचार करण्यासाठी दाखल केले असता डॉक्टरानी मृत घोषित केले.पोलिसांनी याप्रकरणात आकस्मिक मृत्यूची नोंद केली असून पुढील तपास सुरु आहे.मृतक महिलेला दोन अपत्य आहेत.घटनेच्या दिवशी पती पोलीस उपनिरिक्षक धनराज शिरसाठ हे नक्षलविरोधी अभियान राबवून पोमके मुलचेरा येथे परतले होते.त्यांनतर ते आईवडिलासंह मुलचेरा येथे कामानिमित्त गेले असता पत्नी संगीताने दुपारी 12.30 ते 1 वाजेच्या दरम्यान स्वतःवर गोळी झाडली.
