धुळ्याचे डॉ. रवी वानखेडकर “आयएमए’चे राष्ट्रीय अध्यक्ष

berartimes.com धुळे, दि.6:- देशभरातील तीन लाख डॉक्‍टर आणि दोन हजार शाखांचे प्रतिनिधित्व करणाऱ्या “आयएमए‘ या वैद्यकीय संघटनेच्या राष्ट्रीय अध्यक्षपदी येथील डॉ. रवी वानखेडकर यांची बिनविरोध निवड झाली. त्यांच्या रूपाने राज्याला दुसऱ्यांदा, तर धुळ्यासह खानदेशला प्रथमच हा बहुमान मिळाला.डॉ. वानखेडकर 2016- 2017 या कालावधीत “आयएमए‘चे “नॅशनल प्रेसिडेंट इलेक्‍ट‘ म्हणून आणि 2017-2018 या वर्षासाठी “नॅशनल प्रेसिडेंट‘ म्हणून जबाबदारी सांभाळतील. वैद्यकीय आणि सामाजिक कार्यात अग्रेसर, तसेच उपक्रमशीलतेमुळे डॉ. वानखेडकर यांनी कार्यात वेगळा ठसा उमटविला आहे. त्यांना राज्य व राष्ट्रीय स्तरावरील अनेक पुरस्कारांनी गौरविण्यात आले आहे. वैद्यकीय विश्‍वातील श्रेष्ठ अशा “आयएमए‘च्या राष्ट्रीय अध्यक्षपदी ते विराजमान झाल्याने ती त्यांच्या यशाची पावती मानली जाते.