नरेश तुप्तेवार,नांदेड,दि.23ःः नांदेड तहसिल कार्यालयाचे विभाजन करुन औरगाबादच्या धर्तीवर लोकसंख्येच्या आधारावर नांदेड दक्षिण तहसिल कार्यालय कार्यान्वीत करुन नांदेड दक्षिण मतदार संघातील नागरिकांचे कामे त्वरीत होतील . आणि नांदेड तहसिलदार कार्यालयाचा भार कमी होईल . यासाठी नविन नांदेड मराठी पत्रकार संघाच्यावतीने जिल्हाधिकारी यांच्याकडे निवेदनाद्वारे स्वतंत्र्य नांदेड दक्षिण कार्यालयाची मागणी केली आहे .
नांदेड दक्षिण परिसरात ४५ गावे व नांदेड महानगर पालिकेतील सिडको – हडको , वाघाळा ,असर्जन , वसरणी ,कौठा आदीसह जुन्या नांदेड परिसराचा काही भाग समाविष्ट आहे . तर उत्तर नांदेड परिसरातील अनेक गावे व महानगर पालिकेतील बहुसंख्य भाग व नांदेड तालुक्यातील सर्वच गावे नांदेड तहसिल कार्यालयाच्या अंतर्गत येतात . या कार्यालयाची लोकसंख्या हि जवळ पास आठ लाखाच्यावरती आहे . या लोकसंख्येचा विचार करु या कार्यालयाच्यावतीने होणाऱ्या कामे हि नांदेड तहसिल कार्यालया मार्फत होत असतात. यात विविध योजना ,विविध प्रमाणपत्रे व महसुल विभागाची कामे , पुरवठा विभागाची कामे या सर्व कामाचा लोकसंख्येच्या मानाने अतिरिक्त बोजा वाढला आहे . या कार्यालयातील अधिकारी ,कर्मचारी यांची संख्या कमी असल्याने यांचा त्रास सर्वसामान्य नागरिकांना सोसावा लागत आहे . यासर्व बाबीचा विचार लक्षात घेवुन व औरगाबादच्या धर्तीवर शासनाने या कार्यालयाचे विभाजन करुन नांदेड दक्षिण मतदार संघातील गावे व शहराचा काही भाग या कार्यालयास जोडुन नांदेड दक्षिण तहसिल कार्यालयाची स्वतंत्र्य कार्यान्वीत करावी अशी मागणी नविन नांदेड मराठी पत्रकार संघाच्यावतीने जिल्हाधिकारी अरुण डोंगरे यांच्याकडे एका निवेदनाद्वारे केली आहे .यावेळी नविन नांदेड मराठी पत्रकार संघाचे अध्यक्ष संभाजी सोनकांबळे , उपाध्यक्ष संग्राम मोरे , सचिव किरण देशमुख , कोषाध्यक्ष तिरुपती घोगरे , कार्याध्यक्ष दिगाबर शिंदे , सहसचिव सारंग नेरलकर , सल्लागार रमेश ठाकुर , तुकाराम सावंत , निळकंठ वरळे , अनिल धमने ,शिवाजी राजुरकर ,श्याम जाधव यांनी निवेदना़द्वारे जिल्हाधिकाऱ्यांकडे हि मागणी केली आहे .
