अर्जुनी मोरगाव,दि. ७:: तालुक्यातील बाराभाटीजवळून गेलेल्या सुकळी -गोठणगाव मार्गावर आज बुधवारी सकाळी ११ वाजेच्या सुमारास जात असलेल्या मोटरसायकलला अचानक आग लागल्याची घटना घडली. छत्रपाल विश्वनाथ कापगते हे एम.एच. ३५, ए के ६२८९ क्रमांकाची मोटरसायकलने जात असताना अचनाक मोटरसायकलने पेट घेतल्याचे त्यांच्या लक्षात आले व त्यांनी ती बाजूला थांबवून सुरक्षित आसरा शोधला. काही वेळातच ही गाडी जळून खाक झाली. यात कुठलीही जिवीतहानी झाली नाही.
