मुंबई,दि.31(विशेष प्रतिनिधी) : राज्यसरकारच्या वैद्यकिय शिक्षण विभागाच्यावतीने तयार करण्यात आलेल्या शुल्क नियंत्रण समितीने राज्यातील खासगी वैद्यकीय महाविद्यालयांना सरासरी २५ टक्क्यांपर्यंत शुल्कवाढीस परवानगी दिली आहे. मुंबई, नवी मुंबई, पुणे येथील १६ खासगी वैद्यकिय महाविद्यालयांचे शुल्क सरासरी २० ते २५ टक्क्यांपर्यंत वाढणार असल्याने सर्वसामान्य व मध्यमवर्गीयांना याचा फटका बसणार आहे.
शुल्क नियंत्रणात आणण्याऐवजी शुल्कवाढ झाल्याने पालक नाराज आहेत. त्यांच्यावर आर्थिक ताण वाढेल. कर्नाटकसारखी राज्ये समान शुल्क आकारणी प्रक्रिया राबवित असताना, तीच प्रक्रिया महाराष्ट्रात का राबवित नाही, असा प्रश्न पालकांनी केला.
महाविद्यालय आधीचे शुल्क नवीन शुल्क
के. जे. सोमैया मेडिकल कॉलेज, मुंबई ७,५०,००० ९,२५,०००
तेरणा मेडिकल कॉलेज, नेरूळ, नवी मुंबई ५,६१,००० ७,००,०००
डॉ. वसंंतराव पवार मेडिकल कॉलेज, नाशिक ६,२५,००० ७,००,०००
एसीपीएम मेडिकल कॉलेज, धुळे ५,००,००० ५,२०,०००
एनकेपी साळवे इन्स्टिट्यूट, नागपूर ७,८५,००० ८,८३,०००
पंजाबराव देशमुख मेडिकल कॉलेज, अमरावती ७,१५,००० ८,१२,०००
एमआयएमएसआर मेडिकल कॉलेज, लातूर ६,००,००० ७,००,०००
डॉ. विठ्ठलराव विखे पाटील कॉलेज, नगर ६,९५,००० ७,३७,०००
काशीबाई नवले मेडिकल कॉलेज, पुणे १२,००,००० १२,६०,०००