नागपूर : नागपूरच्या यशोधरा पोलिस स्टेशन अंतर्गत येणाऱ्या एकता नगर वंजरा लेआउट येथे असलेल्या फॅब्रिकेशन आणि एम्ब्रॉयडरी कापड कंपनीला 12 ऑक्टोबर 2025 रोजी आग लागली. घटनेची माहिती मिळताच जवळच्या लोकांनी पाण्याने आग विझवण्याचा प्रयत्न केला, परंतु आगीची तीव्रता पाहता, अग्निशमन विभागाला (Fire Department) तात्काळ पाचारण करण्यात आले. कंपनीला लागूनच भारत गॅस गोडाऊन देखील आहे, थोडक्यात आग कंपनी परिसरात वेगाने पसरली नाही, त्यामुळे घटना दुर्घटना होण्यापासून बचावली.आगीची माहिती मिळताच, पोलिस आणि अग्निशमन विभागाचे अग्निशमन दल पोहोचले. आगीवर नियंत्रण मिळविण्यासाठी 10 ते 12 गाड्या बचाव कार्यात सहभागी झाल्या होत्या. आगीचे कारण शॉर्ट सर्किट (Short Circuit) असल्याचे मानले जात आहे. पोलिस आणि अग्निशमन विभागाच्या 12 गाड्यांच्या प्रयत्नांनंतर, आग आटोक्यात आणण्यात आली. 3 तासांहून अधिक काळ आग सुरु होती. या घटनेत कोणतीही जीवित हानी झालेली नाही, परंतु मालमत्तेचे मोठे नुकसान झाले. अग्निशमन दल आणि पोलिस पथकाचे सहकार्य लाभले.ज्यामध्ये एसीपी श्वेता खाडे व इन्स्पेक्टर सुरेश मट्टामी यांचे आणि संपूर्ण पथक,आपदा मित्र (Aapda Mitra) प्रशांत पटले यांनी सर्व पथकांना परिस्थितीची माहिती दिली आणि त्यांच्यासोबत काम केले.
