चंद्रपूर,दि.31 जानेवारी : आगामी जिल्हा परिषद निवडणुकीच्या पार्श्वभूमीवर दारुबंदी असलेल्या चंद्रपूर आणि गडचिरोली जिल्हयात पोलिसांनी धडक कारवाई करायला सुरुवात केली आहे. जंगलात मोहफुलापासून गावठी दारू तयार करणाऱ्या हातभट्ट्या पोलिसांनी उद्धवस्त केल्यात. तब्बल वीस लाखांपेक्षा जास्तीची दारू जप्त करण्यात आली आहे.जिल्हा परिषद निवडणुकीच्या प्रचारासह निवडणुकीच्या दिवसापर्यंत होणारा दारूचा वापर पाहता दारू विक्रेत्यांनी जंगलात हातभट्ट्या उभारल्या होत्या.गडचिरोली पोलिसांनी आष्टीजवळच्या राममोहनपूरच्या जंगलात तब्बल पन्नास ड्रममध्ये असलेली दारू जप्त करून हातभट्टी उद्धवस्त करण्यात आली.दारुबंदी असलेल्या चंद्रपूर जिल्ह्यातही घंटाचौकी जंगलातले नऊ हातभट्टीचे अड्डे पोलिसांनी उद्धवस्त केले. या अड्ड्यांवरील सहाशे लीटर गावठी दारूसह सहा हजार लीटर मोहफुलाचा सडवा असा दहा लाखाचा ऐवज जप्त करण्यात आली
