बोगस प्रकल्पग्रस्त कर्मचाऱ्यांची चौकशी होणार

कोठा, वऱ्हाडा, झोपडी या मालमत्तेला प्रमाणपत्र देता येत नसताना त्यालासुद्धा प्रकल्पग्रस्ताचे प्रमाणपत्र देण्यात आले आहे. काही मूळ प्रकल्पग्रस्त १० ते १५ वर्षापूर्वीच मरण पावला असताना तो जिवंत असल्याचे स्टॅम्प पेपरवर दाखविण्यात आले. या बोगस प्रकल्पग्रस्तांना निवडणूक ओळखपत्र, आधार कार्ड, बँकेचे पासबुक असा ओळखीचा कोणताच पुरावा मागण्यात आला नाही. काही प्रकल्पग्रस्तांना एकच तर काहींना अनेक प्रकल्पग्रस्तांचे प्रमाणपत्रेही देण्यात आली आहेत. प्रकाश चुधरी यांनी माहितीच्या अधिकाराखाली औष्णिक विद्युत केंद्राचे मुख्य महाव्यवस्थापकांना गुंजाळा येथील सर्व्हे क्रमांक १०९, ११०, १११ व ११२ ची घरे तसेच तेथील सर्व्हे क्र. २२३ शेतजमिनीवर नौकरी दिली असताना परत त्यांना पत्र क्र. १३३४८ दि. ६ सप्टेंबर ११ रोजी नाहरकत प्रमाणपत्रे देण्यात आले. याबद्दल विचारणा केली असता ती कार्यालयीन चूक असल्याचे सांगण्यात आले. चूक झाली असे लेखी लिहून दिले असतानासुद्धा ते बोगस प्रकल्पग्रस्त नोकरी करीत आहेत.