जात वैधता प्रमाणपत्र पडताळणी
गोंदिया,दि.29 : ग्रामपंचायत सार्वत्रिक निवडणूकीत जे उमेदवार राखीव जागेवर निवडून आलेले आहेत त्यांनी जात वैधता प्रमाणपत्र पडताळणीसाठी अर्ज केला आहे त्यांनी विजयी झाल्याचे पुरावे जिल्हा जात प्रमाणपत्र पडताळणी समिती कार्यालयाकडे लवकरात लवकर सादर करावे. जेणेकरुन त्यांचे जात वैधता प्रमाणपत्र वेळेत तयार करणे सोईचे होईल. उशिरा पुरावे सादर केल्यामुळे उमेदवारांचे सदसत्व रद्द झाल्यास त्याची सर्वस्वी जबाबदारी ही उमेदवाराची राहील. तरी विजयी पुरावे त्वरित सादर करावे. असे आवाहन जिल्हा जात प्रमाणपत्र पडताळणी समिती गोंदियाचे उपायुक्त तथा सदस्य देवसूदन धारगावे यांनी केले आहे.
