भरधाव ट्रकने ३ विद्यार्थ्यांना चिरडले, एकाचा जागीच मृत्यू

नागपूर दि. १५ : – जिल्ह्यातील भिवापूर येथे भरधाव जाणाऱ्या ट्रकने ३ महाविद्यालयीन विद्यार्थ्यांना चिरडल्याची घटना घडली आहे. यात एका विद्यार्थ्याचा जागीच मृत्यू झाला. तर, २ विद्यार्थी जखमी झाले. त्यातील एकीची परिस्थती गंभीर असल्याचे स्थानिकांनी सांगितले.शनिवारी सकाळी ११ वाजण्याच्या सुमारास राष्ट्रीय विद्यालय भिवापूर येथील विद्यार्थी सायकलने महाविद्यलयात जात असताना भरधाव ट्रकने त्यांना चिरडले. महिन्यापूर्वी याच मार्गवर टिप्परने २ शाळकरी मुलांना चिरडल्याची घटना ताजी असतानाच हा अपघात घडला आहे. वाहन चालक घटनास्थळावरुन पसार झाला.संतप्त नागरिकांनी टायर जाळून चक्काजाम आंदोलन केले. यामुळे परिसरात तणावाचे वातावरण निर्माण झाले होते. भिवापूर मार्गावरील वाहतूक काही काळ विस्कळीत झाली होती. पोलिसांनी घटनास्थळी धाव घेत रस्त्यावरील आग विझवत संतप्त जमावाला शांत केले