गडचिरोली(अशोक दुर्गम) दि.१९:: उच्च न्यायालयाने नुकतेच गोवारी हे आदिवासीच असल्याचे निर्वाळा दिला. मात्र शासनाने न्यायालयाच्या निर्णयाकडे दुर्लक्ष करीत आहे. यामुळे शासनाने न्यायालयीन निर्णयाची अंमलबजावणी करून गोवारी समाजाला न्याय द्यावा, यासाठी आदिवासी गोवारी समाज संघटनांच्या वतीने आज जिल्हाधिकारी कार्यालयासमोर करण्यात आलेल्या सत्याग्रह आंदोलनासा गडचिरोली-चिमूरचे खासदार अशोक नेते यांनी भेट देऊन निवेदन स्विकारले.तसेच गोवारी समाजाची मागणी योग्य असल्याने समाजाची मागणी मुख्यमंत्री देवेंद्र फडणवीस यांच्यापर्यंत पोचवू असे आश्वासन दिले.त्यानंतर समाज संघटनेच्यावतीने जिल्हाधिकारी यांच्यामार्फेत राज्याचे राज्यपाल,मुख्यमंत्री व मुख्य सचिवांच्या नावे असलेले निवेदन पाठविण्यात आले.
आदिवासी गोवारी जमातीचा प्रश्न मागील कित्येक वर्षांपासून प्रलंबित आहे. अनेक संस्था, संघटनांनी यासाठी शासनाकडे पाठपुरावा केला. मात्र शासन गोवारी समाजाला न्याय देण्यास टाळाटाळ करीत आहे. शासनाने निर्णयाची अंबलबजावणी तत्काळ करावी व गोवारी जमातीला न्याय द्यावा म्हणून समन्वय समितीच्या वतीने हे आंदोलन करण्यात आले.आंदोलनाचे नेतृत्व जिल्हा समन्वयक डेडूजी राऊत,नाना ठाकूर,श्रावण नागोसे,ज्ञानेश्वर नेवारे,पार्वती चालकी,हरिष कुज्जामी,मानवत राणा,हेमंत शेंद्रे यांनी केले.आंदोलनात जिल्हायातील समाजबांधव मोठ्या संख्येने सहभागी झाले होते.
