berartimes.com चंद्रपूर,दि.26- गेल्या दोन दिवसभरापासून सुरू असलेल्या मुसळधार पावसाने इरई धरणाचे सात दरवाजे ०.५०, ०. २५ मिमीने उघडण्यात आले. रविवारी पावसाचा जोर होता. त्यामुळे नदी-नाल्या काठी राहणाऱ्या नागरिकांना सतर्कतेचा इशारा प्रशासनाने दिला होता. दरम्यान, जिल्ह्यात सर्वाधिक पावसाची नोंद चंद्रपूर आणि भद्रावती येथे झाली. भद्रावती येथे १५५ मिमी, तर चंद्रपुरात ११९.८ मिमी पावसाची नोंद झाली. परतीच्या पावसाने पिकांना नवसंजीवनी मिळाली आहे. तर हलक्याप्रतीचा धानाचे नुकसान होणार आहे.
परतीच्या प्रवासाला निघालेल्या पावसाने शनिवारी जिल्ह्यात मुसळधार हजेरी लावली. सकाळपासूनच ढगाळ वातावरण होते. दुपारपासून पावसाला सुरवात झाली. सायंकाळी पाच वाजता पावसाने जोर पकडला. रात्री उशिरापर्यंत चंद्रपूर शहरात मुसळधार पाऊस सुरूच होता. सायंकाळी दोन तासांतच ९० मिमी पावसाची नोंद झाली. रविवारी पहाटेपर्यंत ११९.८ मिमी पावसाची नोंद झाली. यंदा समाधानकारक पावसाने जिल्ह्यातील सर्वच धरणे तुडुंब भरली आहे. इरई धरणात ९० दलघमी इतका पाणीसाठा आहे. त्यात गेल्या काही दिवसांपासून सुरू असलेल्या पावसाने धरणातील पाण्याची पातळी वाढत चालली आहे. शनिवारी सायंकाळच्या सुमारास पडलेल्या मुसळधार पावसाने इरई धरणाचे दोन दरवाजे उघडण्यात आले. रात्री उशिरापर्यंत सहाही दरवाजे उघडण्यात आल्याची माहिती आपत्ती व्यवस्थापन कक्षाने दिली. विदर्भात मुसळधार पावसाची शक्यता आहे. त्यामुळे नदी-नाल्या काठावर राहणाऱ्यांना सतर्क राहण्याच्या सूचना देण्यात आल्या आहेत. मुसळधार पावसाने चंद्रपूर शहरातील सखल वस्त्यांत पाणी साचले होते. त्यात प्रामुख्याने इंदिरानगर, सरकारनगर, रहेमतनगर, सिस्टर कॉलनी याचा समावेश होता. पावसाने नदी-नाले तुडुंब भरून वाहत आहे. भद्रावती, वरोरा, चिमूर, ब्रह्मपुरी, नागभीड, मूल, सिंदेवाही, सावली, गोंडqपपरी, पोंभूर्णा, राजुरा, कोरपना, जिवती या तालुक्यांतही कमी-जास्त प्रमाणात पाऊस पडला. जिल्ह्यात मोठ्या प्रमाणावर धानाचे उत्पादन घेतले जाते. त्यापाठोपाठ कापूस, सोयाबीनचा समावेश आहे. परतीच्या पावसाने या पिकांना संजीवनी मिळाली आहे.

अकोला, दि. 26 – एकात्मिक आदिवासी विकास प्रकल्प, अकोला अंतर्गत येत असलेल्या अकोला, बुलडाणा व वाशिम जिल्ह्यांतील वसतिगृहांमध्ये सर्व नवीन अप्रवेशित विद्यार्थी विद्यार्थिनींना तत्काळ प्रवेश, वसतिगृहांची क्षमता वाढविणे तसेच प्रकल्प अधिकाऱ्याची बदली या तीन मागण्यांसाठी आंदोलन करीत असलेल्या विद्यार्थ्यांनी सोमवार, २६ सप्टेंबर रोजी जिल्हाधिकारी कार्यालयासमोर बेमुदत उपोषणास प्रारंभ केला. यावेळी ३४ विद्यार्थी उपोषणास बसले असून, त्यांच्या समर्थनार्थ जवळपास दोन हजार विद्यार्थी उपोषणमंडपात उपस्थित होते.

गोंदिया,-गोंदिया जिल्हा ओबीसी संघर्ष कृती समिती,ओबीसी सेवा संघ व राष्ट्रीय ओबीसी महासंघाच्यावतीने २४ सप्टेंबरला मयुर लॉन येथे आयोजित ओबीसी संघर्ष कृती समितीच्या जिल्हा बैठकित गोंदिया शहर ओबीसी संघर्ष कृती समिती व राष्ट्रीय ओबीसी महासंघाच्या अध्यक्षपदी नगरसेवक विष्णु नागरीकर यांची निवड सर्वानुमते करण्यात आली.नागरीकर हे ओबीसी संघर्ष समितीचे पदाधिकारी असून गोंदिया शहरात संघटनेचे जाळे बळकट करण्याच्या उद्देशाने त्यांच्या नावाची घोषणा राष्ट्रीय ओबीसी महासंघाचे सयोजंक प्राचार्य बबनराव तायवाडे व ओबीसी संघर्ष समितीचे जिल्हाध्यक्ष बबलू कटरे यांनी केली.नागरीकर यांच्या निवडीचे बैठकिला उपस्थित सर्व मान्यवर पदाधिकारी व समाजबांधवानी अभिनंदन केले आहे.

berartimes.com गोंदिया,दि.25- गोंदिया जिल्हा ओबीसी संघर्ष कृती समिती,ओबीसी सेवा संघ व राष्ट्रीय ओबीसी महासंघाच्यावतीने २४ सप्टेंबरला मयुर लॉन येथे आयोजित बैठकित राष्ट्रीय ओबीसी महासंघाच्या ८ डिसेंबरच्या ओबीसी महामोच्र्याला यशस्वी करण्यासाठी विविध पक्षातील ओबीसी नेते,पदाधिकारी यांच्याशी समनव्य ठेवण्यासाठी माजी खासदार डॉ.खुशाल बोपचे यांची राजकीय पक्ष ओबीसी पदाधिकाèयांच्या समनव्य समितीचे प्रमुख म्हणून राष्ट्रीय ओबीसी महासंघाचे सयोंजक प्राचार्य बबनराव तायडावे व निमंत्रक सचिन राजूरकर यांनी नावाची घोषणा केली.त्यांच्या नावाची सुचना सामाजिक कार्यकर्ते जिवन लंजे यांनी केली होती.माजी मंत्री भरतभाऊ बहेकार,माजी.जि.प.अध्यक्ष नेतराम कटरे,गोंदिया जिल्हा काँग्रेस कमिटीचे उपाध्यक्ष डॉ.झामसिंह बघेले,राष्ट्रवादीचे जिल्हाध्यक्ष विनोद हरिणखेडे,जीडीसी बँकेचे संचालक प्रमोद लांजेवार ,रेखलाल टेंभरे,गोपाल तिराले,दुर्गाताई तिराले,महात्मा फुले समता परिषदेचे अध्यक्ष धन्नालाल नागरिकर तसेच शेकापचे जिल्हा सयोजंक चनीराम मेश्राम यांनीही डॉ.बोपचे यांनी समन्वयकाची भूमिका स्विकारत ओबीसी महामोर्चा यशस्वी करण्यासाठी सहकार्य करण्याचे आश्वासन दिले.यावेळी संघर्ष कृती समितीचे अध्यक्ष बबलू कटरे,कार्याध्यक्ष अमर वराडे,कैलाश भेलावे,राजेश नागरीकर,सविता बेदरकर,मोहिनी निंबार्ते,खेमेंद्र कटरे यांच्यासह राष्ट्रीय ओबीसी महासंघाचे पदाधिकारी उपस्थित होते.

berartimes.com तिरोडा,दि.25-हिंदवी स्वराज्य संस्थापक छत्रपति शिवाजी महाराजांचा भव्य स्मारक तिरोडा विधानसभा मतदारसंघात उभारण्यात यावे,या मागणीचे निवेदन  आमदार विजयभाऊ रहांगडाले यांना देण्यात आले.युवा सेनेचे कपिल भोंडेकर यांच्या नेतृत्वात आ.रहागंडालेना निवेदन देऊन चर्चा करण्यात आली,त्यावेळी खुशाल राउत,अमित आगाशे,राहुल उके,हर्शल गजभिये,राहुल तरारे,भुवन पटले व इत्तर शिवभक्त उपस्थित होते.