तिरोडा,दि.५- तिरोडा-गोरेगाव विधानसभा मतदारसंघाचे आमदार विजय रहागंडाले यांच्यावतीने आज (दि.5) तिरोडा येथे मतदारसंघातील आदर्श शिक्षक,सेवानिवृत्त शिक्षकांचा सत्कार कार्यक्रम शिक्षक दिनाचे औचित्य साधून करण्यात आला.कार्यक्रमाला जिल्ह्याचे पालकमंत्री राजकुमार बडोले हे मुख्य अतिथि म्हणून उपस्थित होते.तर खासदार नाना पटोले,आमदार गिरीश व्यास,आमदार ना.गो.गाणार,माजी आमदार व भाजप जिल्हाध्यक्ष हेमंत पटले,बाजार समितीचे प्रशासक डाॅ.चिंतामण रहागंडाले, माजी आमदार हरिष मोरे,भजनदास वैद्य,गोरेगाव पंचायत समितीचे सभापती दिलीप चौधरी,उपसभापती सुरेंद्र बिसेन,जिल्हा परिषद सदस्य विश्वजित डोंगरे,पंचायत समिती सदस्य गुड्डू लिल्हारे,रजनी कुंभरे यांच्यासह इतर मान्यवर उपस्थित होते.या कार्यक्रमात गोरेगाव तालुक्यातील मोहगाव बु.येथील परशुराम विद्यालयाचे मुख्याध्यापक बी.डब्लू.कटरे यांचा आदर्श शिक्षक म्हणून हायस्कूल गटातून पालकमंत्री बडोले,खासदार पटोले व आमदार रहागंडाले यांच्या हस्ते स्मृतिचिन्ह देऊन सत्कार करण्यात आला.कार्यक्रामाचे संचालन माजी जि.प.सदस्य मदन पटले यांनी केले.

तुमसर,berartimes.com दि.5:तुमसर तालुक्यातील सिंदपूरी येथील तलावाची पाळ फुटल्याने गावातील अनेक घरे भुईसपाट झाली. तर काही शेतकर्‍यांची शेती पडीत झाली. मागिल दोन वर्षापासून सध्या टिनाचे पत्रे व फाटक्या चटईच्या आळूशात तात्पुरता निवारा उभारण्यात आला आहे. मात्र, आजतागायत घरकुल बांधकामाकडे प्रशासनाचे तथा जनप्रतिनिधींचे दुर्लक्ष होत आहे. तसेच रेंगेपारच्या पुनर्वसनाच्या मागणी वरून राजकीय पुढार्‍यांनी वैनगंगा नदी घाटात जलसमाधी घेण्याचा प्रयत्न केला होता. तेच आता खासदार व आमदार झालेत परंतु त्यांना सत्ता असतानाही पुनर्वसनाच्या प्रश्न सोडविता आला नसल्याचा आरोप शिवसेनेचे जिल्हाध्यक्ष इंजि.राजेंद्र पटले यांनी केला आहे.त्यांनी सिंदपुरी गावात पिडित कुटुंबांची भेट घेऊन त्यांची व्यथा जाणून घेतल्यानंतर कार्यकत्यार्ंशी बोलतांनी विचार व्यक्त केले.यावेळी त्यांच्यासोबत तालुका कामगार सेना प्रमुख मनोहर जांगडे, तुमसर शहर विभागप्रमुख अमित एच. मेश्राम, योगराज टेंभरे, राज तुरकर, राकेश शरणागत, प्रकाश चौधरी, रवि शेंडे व इतर शिवसैनिक उपस्थित होते.
तुमसरच्या निवडणूक प्रचारसभेत मुख्यमंत्र्यांनी सिंदपुरी वासियांची घरकुल व तलाव दुरूस्तीचा प्रश्न मार्गी लावणार असल्याचे सांगितले होते. परंतु मुख्यमंत्र्यांची घोषणा ही फोल ठरली. मात्र लोकप्रतिनिधींनी व प्रशासनाने आश्‍वासने देवून दुर्लक्ष केले. आजही या बाधित कुटूंबियांना व शेतकर्‍यांना पुनर्वसनाची प्रतिक्षा आहे.
नुकतेच सिहोरा येथे शेतकऱ्यांच्या हितासाठी व पुनर्वसनाच्या प्रश्न मार्गी लावण्यासाठी भव्य विराट आंदोलन शिवसेनेच्या वतीने करण्यात आले, या प्रसंगी, शासनाच्या वतीने अधिकाऱ्यांनी संमंधीत सिंदपुरी व रेंगेपार या दोन्ही गावांचा गंभीर पुनर्वसनाचा मुद्दा शासनस्तरावर कार्यवाहिसाठी सादर करण्याचे कळविले, परंतु पुनर्वसनाच्या प्रतिक्षेत असलेले गावकरी अजुन कुठपर्यंत वाट पहतील, अशा प्रश्न गावकऱ्यांना पडला आहे.

गोंदिया: स्थानिक भवभूति रंगमंदिर, रेलटोली येथे सास्कृंतीक मंत्रालय, भारत सरकार व विद्या भारती संस्कृती शिक्षण संस्थेच्या संयुक्तवतीने जिल्हाधिकारी डॉ विजय सूर्यवंशी यांच्या अध्यक्षतेत दिनेशभाई पटेल,सचिन जोशी व अनिल जोशी यांच्या व १० शाळेतील जवळपास ५०० विद्याथ्र्यांच्या उपस्थितीत ‘भारतीय संस्कृतीचे संरक्षण, संवर्धन व उत्थान या विषयावरील कार्यशाळा पार पडली.आजच्या आधुनिक युगात आपल्या संस्कृतीला कायम ठेवून तीच संरक्षण व संवर्धन करून आपल्या देशाला प्रगत आणि संघटित राष्ट्र कसे करता येईल यावर ही कार्यशाळा पार पडली.अनिल जोशी यांनी सांस्कृतिक बाबींच आढावा देत भारतीय संस्कृतीचे महत्त्व विद्यार्थांना पटवून दिले. डॉ विजय सूर्यवंशी यांनी विद्याथ्र्यांसी चर्चात्मक संवाद साधला.आपण मोठे होउन अधिकारी, राजनेता, शेतकरी, व्यापारी वगैरे बनत असतो पण आपण जर आपल्या संस्कृतीला जोपासून आपले कर्तव्य केले तर आपल्या देशाचा भविष्य उज्वल करता येवू शकतो. विविध शाळेंनी सांस्कृतिक झाँकी व समूहगान सादर केले. समारोप श्रीकांत देशपांडे,मनोज भुरे,सुरेश चन्ने व कार्यशाळा प्रांत प्रमुख सौ सुवर्णा पावडे यांच्या उपस्थितीत पार पडले.संचालन कार्यशाळा जिल्हा संयोजक वरुण खंगार व सौ चारुलता ढेकवार तर आभार अनिल बहेकार यांनी केले.

गोंदिया,दि.5- जिल्ह्यातून जाणार्या मुंबई हावडा रेल्वेमार्गावरील तिरोडा तालुक्यातील सालेबर्डी येथील रेल्वेफाटक आजपासून बंद करण्याचा रेल्वेप्रशासनाच्या निर्णयाविरोधात माजी आमदार दिलीप बनसोड व जिल्हा परिषद सदस्य मनोज डोंगरे यांच्या नेतृत्वात सालेबर्डीसह परिसरातील गावच्या नागरिकांनी आज सोमवारला रेल्वेचौकीसमोर आंदोलन केले. आंदोलनाला नागरिकांचा वाढता प्रतिसाद बघून दपूमरेल्वे नागपूर विभागाच्या अधिकार्यानी जोपर्यंत पर्यायी व्यवस्था होत नाही,तोपर्यंत रेल्वेचौकी सुरु ठेवण्याचे आस्वासन दिल्यानंतर आंदोलकांनी आपले आंदोलन मागे घेतले.
सालेबर्डी गावाला लागून असलेल्या रेल्वेमार्गावर मागील शंभर वर्षापासून रेल्वे फाटक असून .याच रेल्वे फाटकातून पाच गावातील लोकांचे येणे जाणे आहे..मात्र चौकीवर काम करणाऱ्या लोकांनी गावकर्यांना हि रेल्वे फाटक ५ सप्टेंबर पासून बंद होणार असल्याची माहिती देताच .गावात तणावाची स्थिती निर्माण झाली आणि ग्राम पंचायत,जिल्हा प्रशासनाला कुठलीही माहिती न देता. जिल्हा परिषदेच्या रस्त्यावरील रेल्वे फाटक बंद करण्याचा निर्णय रेल्वे विभागाने घेतल्याने रेल रोको आंदोलन करण्याची भूमिका घेतली.त्यानुसार आज सकाळीच गावातील नागरिक रेल्वेचौकीजवळ एकत्र आले ते विदर्भ एक्सप्रेस या गाडीला थांबविण्याच्या मनस्थितीत असतानाच रेल्वेच्या अधिकायानी मध्यस्थीची भूमिका घेत मुबई हावडा रेल्वे लाईन हि हाय स्पीड रेल्वे लाईन असल्याने या ठिकाणची रेल्वे फाटक बंद करून रेल्वे अंडरग्राऊंड ब्रिज तयार करण्याची भूमिका घेतल्याचे माहिती तुमसर रेल्वेस्थानकावरील अभियंता बी.एम.पांडे यांनी आंदोलकांना माहिती दिली.त्यानंतर हे आंदोलन मागे घेण्यात आले.

मार्च २०१७ पर्यंत एक्सलेटर आणि लिफ्ट सेवा सुरु करणार नाना पाटोले
गोंदिया,दि.5- गणेश चतुर्थीचे निमित्त साधून येथील जनता सहकारी बँकेच्या वतीने .गोंदिया रेल्वे स्थानकावर वृध्द आणि दिव्यांग प्रवाशांना रेल्वेप्लेटफार्मपर्यंत ने आण करण्याकरीता बॅटरी कार सुरु करण्यात आली. भंडारा- गोंदियाचे खासदार नाना पटोले आणि दक्षिण पूर्व मध्य रेल्वेचे रेल मंडळ प्रबंधक अमित अग्रवाल,अर्जुन सिब्बल ,जनता सहकारी बँकेचे अध्यक्ष राधेशयाम अग्रवाल यांच्या उपस्थितीत कारचे लोकार्पण करण्यात आले. गोंदिया जिल्हा हा महाराष्ट्र ,मध्यप्रदेश आणि छतीसगढ राज्याच्या सीमेला लागून असल्याने रोज २० हजाराच्या वर प्रवाशी गोंदिया रेल्वे स्थानकावरून प्रवास करतात. त्यामुळे प्रवाशांना गैरसोय निर्माण होऊ नये म्हणून गोंदिया रेल्वे स्थानकावर मागील महिन्यात आटोमेटिक तिकीट व्हेंडिंग मशीन लावण्यात आले .तर आजपासून दिव्यांग लोकांकरीता निशुल्क बॅटरी कार सेवा सुरु करण्यात आली. गोंदिया रेल्वे स्थानकाला अजून सुसुज्ज करण्यासाठी मार्च २०१७ पर्यत्न गोंदिया रेल्वे स्थानकावर एक्सेलेटर आणि लिफ्ट सेवा सुरु करण्यात येणार असल्याचे खा. पाटोले यांनी सांगितले.सोबतच मार्च 2018 पर्यंत जबलपूर मार्गावर रेल्वेसेवा सुरु होणार असून दक्षिणेकडे जाणार्या किमान 50 गाड्या या स्थानकावरुन जाणार असल्याचे सांगितले.येथील जनता सहकारी बँकेकडून स्वयंखर्चाने सुरु करण्यात आलेल्या कार सेवे करीत दोन चालकांची व्यवस्था करण्यात आली आहे.या चालकांचा पगार हि बँक देणार आहे आणि या बॅटरी कारचे मेन्टनेशन देखील बँक कारणांर असल्याने फक्त रेल्वे विभागाला बॅटरी चार्जिंग करण्याकरीता वीज पुरवठा करायचा आहे त्यामुळे गोंदिया रेल्वे स्थानकावर आलेल्या दिव्यांग लोकांना होम पॅलेट फॉर्म १ ते ७ पर्यंत हि कार निशुक्ल पोहचविण्यास मदत होणार आहे.कार्यक्रमाला रमण मेठी,बँकेचे संचालक,रेल्वेचे वरिष्ठ अधिकारी,न.प.बांधकाम सभापती बंटी पंचबुध्दे,गोकूल कटरे,सुनिल केलनका,भगत ठकरानी,महेश आहुजा,गुड्डू कारडा,भरत क्षत्रिय,घनश्याम अग्रवाल आदी मान्यवर उपस्थित होते.संचालन नगरसेवक दिनेश दादरीवाल यांनी केले तर आभार बँकेचे व्यवस्थापक उमेश जोशी यांनी मानले.

भंडारा,दि.5-पोलीस बाॅईज संघटन भंडाराच्या वतीने मुंबई वाहतुक पोलीस कांस्टेबल विलास शिंदे आणि तुमसर पोलीस स्टेशनचे गुप्त शाखेचे पोलीस शिपाई राजु साठवणे या दोघांना झालेल्या मारहाण प्रकरणातील गुन्हेगारावर कठोर कारवाई करण्याबाबतचे निवेदन मुख्यमंत्री व गृहमंत्री यांच्यानावाने जिल्हाधिकारी भंडारा मार्फेत पाठविण्यात आले.पोलीस देशाच्या, समाजाचा अहोरात्र रक्ताचे पाणी करून रक्षणासाठी आपले कर्तव्य बजावत असतांना जर असेच अत्याचार व त्यांच्यापरिवारावर अन्याय केला जात पोलीस कर्मचारी यांचे कुटुंब असुरक्षित राहणार आणि त्यांनी कुणाकडे रक्षणाची मागणी करावी अशी मागणी निवेदनात केली आहे. यावेळी तुषार हटेवार, पंकज ठवकर, लक्ष्मीकांत भलावी, शशांक शेळके, शुभम मते, नमित सयाम, रजत कटरे, शुभम कटरे, सागर मते, शुभम मंदुरकर, शुभम आदमने, भारत चौधरी, सागर कुंभारे, तुषार सुरंकर, सचिन बावने व जिल्हय़ातील इतर पोलीस बाॅईज मोठ्या संख्येने उपस्थित होते.