तिरोडा,दि.५- तिरोडा-गोरेगाव विधानसभा मतदारसंघाचे आमदार विजय रहागंडाले यांच्यावतीने आज (दि.5) तिरोडा येथे मतदारसंघातील आदर्श शिक्षक,सेवानिवृत्त शिक्षकांचा सत्कार कार्यक्रम शिक्षक दिनाचे औचित्य साधून करण्यात आला.कार्यक्रमाला जिल्ह्याचे पालकमंत्री राजकुमार बडोले हे मुख्य अतिथि म्हणून उपस्थित होते.तर खासदार नाना पटोले,आमदार गिरीश व्यास,आमदार ना.गो.गाणार,माजी आमदार व भाजप जिल्हाध्यक्ष हेमंत पटले,बाजार समितीचे प्रशासक डाॅ.चिंतामण रहागंडाले, माजी आमदार हरिष मोरे,भजनदास वैद्य,गोरेगाव पंचायत समितीचे सभापती दिलीप चौधरी,उपसभापती सुरेंद्र बिसेन,जिल्हा परिषद सदस्य विश्वजित डोंगरे,पंचायत समिती सदस्य गुड्डू लिल्हारे,रजनी कुंभरे यांच्यासह इतर मान्यवर उपस्थित होते.या कार्यक्रमात गोरेगाव तालुक्यातील मोहगाव बु.येथील परशुराम विद्यालयाचे मुख्याध्यापक बी.डब्लू.कटरे यांचा आदर्श शिक्षक म्हणून हायस्कूल गटातून पालकमंत्री बडोले,खासदार पटोले व आमदार रहागंडाले यांच्या हस्ते स्मृतिचिन्ह देऊन सत्कार करण्यात आला.कार्यक्रामाचे संचालन माजी जि.प.सदस्य मदन पटले यांनी केले.
