गोरेगाव-. तालुक्यातील मोहाडी ते चोपा या तीन किमी रस्त्यावरून वाहनधारकांना प्रवास करणे कठीण झाले आहे. रस्त्याचे अर्धवट काम करून सदर कंत्राटदाराने कामाकडे मागील दीड महिन्यांपासून पाठ फिरवून पसार झाला आहे. त्यामुळे नागरिकांनी आणखी किती दिवस रस्त्याअभावी हाल सहन करावेत, हा गंभीर प्रश्न निर्माण केला आहे.
मोहाडी ते चोपा नव्हे तर, गोरेगाव तालुक्याच्या ग्रामीण भागातील रस्त्याची परिस्थिती दिवसेंदिवस अधिकच भयावह होत चालली आहे. परंतु, ठेकेदार आणि सार्वजनिक बांधकाम विभागाचे अधिकारी
मूग गिळून गप्प आहेत. परिणामी, परिसरातील मोहाडीपासून चोपापर्यंत गाव-खेड्यातील नागरिक, वाहनधारक, विद्यार्थी वर्गाला अर्धवट अवस्थेत असलेल्या रस्त्याचा, रस्त्यावरील खड्डे, तसेच चढ उताराच्या रस्त्याचा नाहक त्रास सहन
करावा लागत आहे. परिसरातील मोहाडी ते चोपासह, मोहाडी, आकोटोला, कनारटोला, चोपा अर्धवट बांधकाम झालेल्या रस्त्यावरील पडलेल्या भेदक खड्यांमुळे रस्त्याची बिकट अवस्था झाली आहे. मागील दीड महिन्यांपासून अर्धवट रस्त्याचे बांधकाम व गावात प्रवेश करणाऱ्या रस्त्यावरील जीवघेणे खड्डे हे जशास तसे आहेत.
याकडे ना ठेकेदारांचे लक्ष आहे ना सार्वजनिक बांधकाम विभागाच्या कुठल्या अधिकाऱ्याचे. याबाबत मागील एक महिन्यापासून मोहाडी ग्रामपंचायत सरपंचासह अनेक नागरिकांनी संबंधित
विभागाला वारंवार तक्रारी केल्या. थेट तालुक्याला जाणाऱ्या तीन किलोमीटरच्या रस्त्यात गिट्टी, खड्डे, मुरुम, रस्त्याचा चढ-उतार असल्यामुळे सर्वसामान्य जनतेच्या अपघाताची शक्यता नाकारता येत नाही. अनेक वाहनांचे वेळेपूर्वीच देखभाल दुरुस्तीचे काम करावे लागते. पर्यायी शारिरीक आरोग्यासोबतच अर्थिक तसेच मानसिकही नुकसान सहन करावे लागत आहे. अर्धवट रस्त्याचे त्वरीत काम पूर्ण करून रस्त्यावरील खड्डे बुजविण्याची मागणी मोहाडी ग्रामपंचायतचे सरपंच नरेंद्र कुमार चौरागडे यांच्यासह ग्रामीण भागातील

गोंदिया,दि.१०ः पुनर्वसन प्रकल्पामुळे बाधित झालेल्या नागरिकांच्या समस्या व त्यांच्या उपाययोजना यांना प्राधान्य देत आमदार विनोद अग्रवाल यांनी उपविभागीय अधिकारी कार्यालय येथे बैठक घेत मुंबई मंत्रालयात सचिवांच्या अध्यक्षतेखाली झालेल्या बैठकीतील निर्णयांचा आढावा घेण्यात आला.

या बैठकीत प्रकल्पग्रस्तांना पूर्वी प्रस्तावित पाच लाख रुपयांच्या ऐवजी आता दहा लाख रुपये भरपाई देण्याचा निर्णय घेण्यात आला.बैठकीत परसवाडा–कामठा रस्ता त्याचप्रमाणे, भविष्यात प्रकल्पामुळे बाधित होऊ शकणाऱ्या रावणवाडी–कामठा रस्त्यासाठी पर्यायी मार्ग तयार करण्याबाबतही चर्चा झाली.
या प्रकल्पामुळे भविष्यात पुनर्वसित होणाऱ्या कुटुंबांसाठी पूर्वीच जागा निश्चित करणे व त्यांना वेळेवर आणि योग्य भरपाई देण्याचे आश्वासन बैठकीत देण्यात आले.पुनर्वसित क्षेत्रांमध्ये पक्के रस्ते, स्वच्छ पिण्याचे पाणी, वीज, समाजमंदिर, शाळा इत्यादी मूलभूत सुविधा तातडीने निर्माण करण्याचे  निर्देश आमदार अग्रवाल यांनी अधिकाऱ्यांना दिले.
बिरसी व कामठा या भागातील असे सर्व मार्ग जे विमानतळाला थेट गावांशी जोडू शकतात, त्यांची ओळख करून त्यांचा विकास करण्याला प्राधान्य देण्याबाबत चर्चा झाली. यामुळे ना केवळ प्रवास सोपा होईल, तर आर्थिक घडामोडींनाही चालना मिळेल. सर्व प्रस्ताव शासनाकडे तात्काळ सादर करून मंजुरी मिळवण्यासाठी प्रयत्न करण्याचा निर्णय घेण्यात आला.

या प्रसंगी प्रमुख उपस्थितीत आमदार विनोद अग्रवाल, उपविभागीय अधिकारी चंद्रभान खंडाईत, बिरसी विमानतळाचे संचालक गिरीश वर्मा, तहसीलदार शमशेर पठाण, अपर तहसीलदार श्रीकांत कांबळे, पंचायत समिती सभापती मुनेश राहंगडाले, सार्वजनिक बांधकाम विभागाचे कार्यकारी अभियंता लभाने, बिरसीचे सरपंच उमेश पंडेले, शाखा अभियंता कट्यारमल, खातियाचे सरपंच ललित तावडे व तलाठी उपस्थित होते.

ब्रम्हपूरी,दि.१० मे: मराठीचे शिलेदार बहुउद्देशीय संस्था नागपूरच्या वतीने दि. ७ मे २०२५ रोजी ‘भारतरत्न मौलाना अबुल कलाम आझाद संशोधन केंद्र व सभागृह’ छत्रपती संभाजीनगर येथे ‘गौरव अभिजात मराठी २०२५’ या कार्यक्रमांतर्गत राज्यस्तरीय पुस्तक प्रकाशन समारंभ व काव्यवाचन स्पर्धा उत्साहात संपन्न झाली. या भव्य प्रकाशन समारंभात विदर्भातील चंद्रपूर जिल्ह्यातील ब्रह्मपुरीच्या सोनाली सहारे यांच्या ‘सोनप्रहर’ या ललित संग्रहाचे मान्यवरांच्या हस्ते थाटात प्रकाशन करण्यात आले. सोबतच मुख्य संपादक राहुल पाटील यांनी काढलेल्या ‘गौरव अभिजात मराठी २०२५’ या विशेषांकाचे प्रकाशनही करण्यात आले.
सोनाली सहारे यांचा काव्यवाचन स्पर्धेत उत्तेजनार्थ क्रमांक आला त्यांना सन्मानपत्र व सन्मान चिन्ह व बक्षीस देऊन सन्मानित करण्यात आले. त्यांचे हे मराठी शिलेदार समूहातर्फे काढण्यात आलेले पाचवे पुस्तक आहे. यापूर्वी भावस्पर्श, काव्यसृष्टी, मनतरंग ,सूर्य विचार सोनशिल्प सूविचार संग्रह प्रकाशित झाले आहेत.तसेच आता सोनप्रहर हा ललित संग्रह प्रकाशित झाला.
याप्रसंगी संमेलनाचे अध्यक्ष साहित्यरुचक आमदार मा.विक्रम काळे, उद्घाटक व मुख्य आयोजक मा.डाॅ.पद्मा जाधव, शिवव्याख्याते डॉ.बालाजी जाधव, यशवंतराव चव्हाण सेंटरचे सचिव मा.नरेश शेळके, बुलढाणा, आयोजक ए बी पठाण, प्रमुख अतिथी प्रसिद्ध कवयित्री स्वाती मराडे आटोळे पुणे, मराठीचे शिलेदार संस्थेचे विश्वस्त प्रमुख अशोक लांडगे, व अरविंद उरकुडे यांच्या हस्ते एकूण २१ कविता संग्रहाचे प्रकाशन संपन्न झाले.
आयोजित पुस्तक प्रकाशन समारंभात मराठीचे शिलेदार प्रकाशन संस्थेतर्फे मानपत्र, शाल, सन्मानचिन्ह, सन्मानपत्र, विशेषांकाच्या प्रती व पुष्पगुच्छ देऊन कौटुंबिक सत्कार करण्यात आला. याप्रसंगी कुटुंबातील सिध्दार्थ भाऊरावजी सहारे उपस्थित होते. आई बाबा सौ.अर्चना मारोतराव रायपुरे, गडचिरोली, मुले साची, सम्राट बहिण  मोनाली परमेश्वर दुर्गे, भाऊ लीना राहुल रायपुरे , जिया, अभीधम्म , शर्लिन यांनी शुभेच्छा दिल्या.
या समारंभाचे बहारदार सूत्र संचालन मुख्य परीक्षक व कोषाध्यक्ष सविता पाटील ठाकरे सिलवासा, आयोजक प्रशांत ठाकरे, सिलवासा व कवी विष्णू संकपाळ यांनी केले तर आभार आयोजक कवयित्री वर्षा मोटे यांनी मानले. याप्रसंगी राज्यातील व राज्याबाहेरील मराठी साहित्यप्रेमी मोठ्या संख्येने उपस्थित होते.

सालेकसा,दि.१०ः तालुक्यातील तिरखेडीचे माजी सरपंच योगेश कटरे यांच्या मातोश्री मालतीबाई भरतसिंह कटरे यांचे आज १० मे रोजी दिर्घ आजाराने दुपारी १२.३० वाजता निधन झाले.त्यांच्यावर उद्या दिनांक:- 11/05/2025 रोज रविवारला दुपारी 12.00 वाजता तिरखेडी मोक्षधाम येथे अंत्यसंस्कार करण्यात येणार आहे.