मार्च २०१७ पर्यंत एक्सलेटर आणि लिफ्ट सेवा सुरु करणार नाना पाटोले
गोंदिया,दि.5- गणेश चतुर्थीचे निमित्त साधून येथील जनता सहकारी बँकेच्या वतीने .गोंदिया रेल्वे स्थानकावर वृध्द आणि दिव्यांग प्रवाशांना रेल्वेप्लेटफार्मपर्यंत ने आण करण्याकरीता बॅटरी कार सुरु करण्यात आली. भंडारा- गोंदियाचे खासदार नाना पटोले आणि दक्षिण पूर्व मध्य रेल्वेचे रेल मंडळ प्रबंधक अमित अग्रवाल,अर्जुन सिब्बल ,जनता सहकारी बँकेचे अध्यक्ष राधेशयाम अग्रवाल यांच्या उपस्थितीत कारचे लोकार्पण करण्यात आले. गोंदिया जिल्हा हा महाराष्ट्र ,मध्यप्रदेश आणि छतीसगढ राज्याच्या सीमेला लागून असल्याने रोज २० हजाराच्या वर प्रवाशी गोंदिया रेल्वे स्थानकावरून प्रवास करतात. त्यामुळे प्रवाशांना गैरसोय निर्माण होऊ नये म्हणून गोंदिया रेल्वे स्थानकावर मागील महिन्यात आटोमेटिक तिकीट व्हेंडिंग मशीन लावण्यात आले .तर आजपासून दिव्यांग लोकांकरीता निशुल्क बॅटरी कार सेवा सुरु करण्यात आली. गोंदिया रेल्वे स्थानकाला अजून सुसुज्ज करण्यासाठी मार्च २०१७ पर्यत्न गोंदिया रेल्वे स्थानकावर एक्सेलेटर आणि लिफ्ट सेवा सुरु करण्यात येणार असल्याचे खा. पाटोले यांनी सांगितले.सोबतच मार्च 2018 पर्यंत जबलपूर मार्गावर रेल्वेसेवा सुरु होणार असून दक्षिणेकडे जाणार्या किमान 50 गाड्या या स्थानकावरुन जाणार असल्याचे सांगितले.येथील जनता सहकारी बँकेकडून स्वयंखर्चाने सुरु करण्यात आलेल्या कार सेवे करीत दोन चालकांची व्यवस्था करण्यात आली आहे.या चालकांचा पगार हि बँक देणार आहे आणि या बॅटरी कारचे मेन्टनेशन देखील बँक कारणांर असल्याने फक्त रेल्वे विभागाला बॅटरी चार्जिंग करण्याकरीता वीज पुरवठा करायचा आहे त्यामुळे गोंदिया रेल्वे स्थानकावर आलेल्या दिव्यांग लोकांना होम पॅलेट फॉर्म १ ते ७ पर्यंत हि कार निशुक्ल पोहचविण्यास मदत होणार आहे.कार्यक्रमाला रमण मेठी,बँकेचे संचालक,रेल्वेचे वरिष्ठ अधिकारी,न.प.बांधकाम सभापती बंटी पंचबुध्दे,गोकूल कटरे,सुनिल केलनका,भगत ठकरानी,महेश आहुजा,गुड्डू कारडा,भरत क्षत्रिय,घनश्याम अग्रवाल आदी मान्यवर उपस्थित होते.संचालन नगरसेवक दिनेश दादरीवाल यांनी केले तर आभार बँकेचे व्यवस्थापक उमेश जोशी यांनी मानले.

भंडारा,दि.5-पोलीस बाॅईज संघटन भंडाराच्या वतीने मुंबई वाहतुक पोलीस कांस्टेबल विलास शिंदे आणि तुमसर पोलीस स्टेशनचे गुप्त शाखेचे पोलीस शिपाई राजु साठवणे या दोघांना झालेल्या मारहाण प्रकरणातील गुन्हेगारावर कठोर कारवाई करण्याबाबतचे निवेदन मुख्यमंत्री व गृहमंत्री यांच्यानावाने जिल्हाधिकारी भंडारा मार्फेत पाठविण्यात आले.पोलीस देशाच्या, समाजाचा अहोरात्र रक्ताचे पाणी करून रक्षणासाठी आपले कर्तव्य बजावत असतांना जर असेच अत्याचार व त्यांच्यापरिवारावर अन्याय केला जात पोलीस कर्मचारी यांचे कुटुंब असुरक्षित राहणार आणि त्यांनी कुणाकडे रक्षणाची मागणी करावी अशी मागणी निवेदनात केली आहे. यावेळी तुषार हटेवार, पंकज ठवकर, लक्ष्मीकांत भलावी, शशांक शेळके, शुभम मते, नमित सयाम, रजत कटरे, शुभम कटरे, सागर मते, शुभम मंदुरकर, शुभम आदमने, भारत चौधरी, सागर कुंभारे, तुषार सुरंकर, सचिन बावने व जिल्हय़ातील इतर पोलीस बाॅईज मोठ्या संख्येने उपस्थित होते.

तुमसर : शासकीय सुभाषचंद्र बोस उपजिल्हा रुग्णालयात गर्भवती महिलेचा उपचाराअभावी मृत्यू झाला. डॉ. संध्या डांगे यांच्या निष्काळजीपणामुळे महिलेला जीव गमवावा लागला. डॉ. डांगे यांची केवळ बदली न करता त्यांना तत्काळ निलंबित करण्याची मागणी भाजप महिला पदाधिकार्‍यांनी तहसिलदारांमार्फत राज्याच्या आरोग्यमंत्र्याकडे निवेदन पाठविले आहे.
जयश्री ठवकर यांचा मृत्यू डॉ. संध्या डांगे यांच्या निष्काळजीपणामुळे झाला. जयश्री ठवकर यांना रुग्णालयात सकाळी ११ वाजता दाखल करण्यात आले. डॉ. डांगे यांनी त्यांना सोनोग्राफी करण्यास सांगितले. सोनोग्राफीत गर्भातील बाळ दगावल्याचे दिसून आले. डॉ. डांगे यांनी उलट सर्व व्यवस्थित आहे, असे ठवकर दाम्पत्यांना सांगितले. त्यानंतर रात्री ९.३0 च्या सुमारास जयश्री ठवकर यांचा मृत्यू झाला.
डॉ. संध्या डांगे यांच्या निष्काळजीपणामुळे जयश्री ठवकर यांना आपला जीव गमवावा लागला. आरोग्य विभागाने डॉ. संध्या डांगे यांचे स्थानांतरण भंडारा येथे केले. स्थानांतरण रद्द करून त्यांना सेवेतून निलंबित करून मनुष्यवधाचा गुन्हा दाखल करण्याची मागणी भाजप महिला आघाडी पदाधिकार्‍यांनी केली. शिष्टमंडळात भाजप महिला आघाडी अध्यक्षा कुंदा वैद्य, माजी नगराध्यक्षा गीता कोंडेवार, नगरसेविका शोभा लांजेवार, लक्ष्मी इळपाचे, सुषमा पटले, पुष्पा तलमले, भारती साठवणे, पद्मा बिसेनसह मोठय़ा संख्येने भाजप महिला कार्यकर्ता उपस्थित होत्या.

तुमसर : येथील गर्भवती महिलेच्या मृत्युप्रकरणी जमावाने आपले गर्‍हाणे ऐकवण्यासाठी आंदोलनाचा पावित्रा घेतला असता पोलिसांनी त्यांच्यावर लाठीमार केला. येथील आमदार, खासदार यांनी दखल घेतली नाही. परिणामी राष्ट्रवादी महिला काँग्रेस आक्रमक झाल्या आहेत. आठवडाभरात खापावासीयांवरील गुन्हे मागे घेतले नाही तर आमदार, खासदारांना घेराव घालणार असल्याची माहिती राष्ट्रवादीच्या जिल्हाध्यक्ष कल्याणी भुरे यांनी पत्रकार परिषदेत दिली.
यावेळी राष्ट्रवादी शहर अध्यक्ष योगेश सिंगनजुडे, पमा ठाकूर, उषा जावळे, अंकुर ठाकूर उपस्थित होते. यावेळी भुरे यांनी, प्रशासनाच्या हलगर्जीपणामुळे रूग्णांचे बेहाल झाले आहेत. रूग्णालयात तीन स्त्री रोग व प्रसुती तज्ज्ञाची जागा असताना केवळ एकच जागा भरण्यात आली आहे. इथल्या परिचारिकांच्या उर्मठ वागणुकीमुळे जनता त्रस्त झाली आहे. डॉक्टर मुख्यालयी राहत नाही आदी समस्या असताना आमदारांनी केवळ बघ्याची भूमिका घेतली आहे. परिणामी अशा घटनांना सामोरे जावे लागते व नागरिक जेव्हा प्रशासनाचा विरोध करतात त्यांच्या चुका त्यांच्या समोर दाखविण्याचा प्रयत्न करतात तेव्हा त्यांच्यावर लाठीचार्ज होतो. या अगोदरही आंदोलन, रास्तारोको करण्यात आले. परंतु कधीच असे घडले नाही.
राष्ट्रवादी पक्षाच्या स्थानिक नेत्यांनी नागरिकांना शेवटपर्यंत समजाविण्याचा कार्य केले. मात्र त्यांनाही हेतुपुरस्सर या प्रकरणात गोवण्यात आले व त्यांच्यावर गुन्हे दाखल झाले. त्याच बरोबर गावातील इतरही नागरिकांवर गुन्हे दाखल करून त्यांना तुरूंगात पाठविले जाणार आहे. असे असताना येथील आमदार, खासदारांनी मौन बाळगले आहे. शासनस्तरावर प्रयत्न करून खापा वासीयांवरील गुन्हे मागे घेणे, लाठी चार्जचे आदेश देणार्‍या त्या पोलीस अधिकार्‍याला निलंबित करणे तसेच पीडिताच्या परिवाराला १0 लाख रूपयाची मदत करणे यासाठी राष्ट्रवादीच्या महिला पदाधिकारी समोर येऊन आमदार खासदारांना घेराव घालणार असल्याचेही त्यांनी सांगितले.