जातीवाचक शिवीगाळ प्रकरणी गुन्हा दाखल

अर्जुनी मोरगाव,दि.26ः तालुक्यातील झरपडा यथील उपसरपंचाने जातीवाचक शिविगाळ केल्याप्रकरणी पोलिसात तक्रार नोंदवली असून पोलिसांनी जातिवाचक शिवीगाळ करून मारपीट केल्याप्रकरणी  झरपडा येथील अशोक पैका बोरकर यांच्यावर गुन्हा नोंदविला आहे.
8 एप्रिल रोजी कोरोना विषाणू संबंधाने औषध फवारणी दरम्यान चार-पाच व्यक्तींपेक्षा अधिक व्यक्तींनी एकत्र येऊ नये. गावात शांतता राहावी बांधकाम तसेच ट्रॅक्टरद्वारे हमाल देऊन काम करू नये अशी गावात दवंडी देण्यात आली.तरीही आरोपी अशोक बोरकर यांनी 9 एप्रिल रोजी विटा विक्री करून गावातीलच किसन दहिवले यांच्या घरी नेऊन टाकल्याची बाब लक्षात आल्यावर ग्रामपंचायत सदस्य नरेश राऊत यांनी समजावून सांगितले.त्यानंतर चार-पाच हमालांना सोबत घेऊन ग्रामपंचायत सदस्य नारद शहरे यांच्या शेताकडे जाऊन उपसरपंच विश्वनाथ खोबरागडे हे जमावबंदी व संचारबंदी संबंधाने गावात हजर असताना आरोपीने ग्रामपंचायत सदस्य शहारे यांच्या भ्रमणध्वनीवरून कॉल करून बोलाविले असता  गेल्यावर बोरकर यांनी ट्रॅक्टरवरून उतरत शिवीगाळ व मारपीट केल्‍याची तक्रार उपसरपंच विश्वनाथ खोब्रागडे यांनी अर्जुनी-मोर पोलीस ठाण्यात दिली होती. या प्रकरणाचा तपास देवरीचे उपविभागीय पोलीस अधिकारी प्रशांत ढोले करीत असून आरोपींविरुद्ध अनुसूचित जाती जमाती प्रतिबंधक कायद्यानुसार तसेच मारपीट केल्याप्रकरणी गुन्हा नोंदविण्यात आला आहे.