अर्जुनी मोरगांव,दि.१२ः: तालुक्यातील पंचशील विद्यालय बाराभाटी येथे दिनांक १० व ११ डिसेंबर २०२४ या दोन दिवशीय तालुकास्तरीय विज्ञान प्रदर्शनी यशस्वीरित्या पार पडले.प्रदर्शनीचे उद्घाटन जिल्हा परिषदेचे उपाध्यक्ष व शिक्षण सभापती यशवंत गणवीर यांच्या हस्ते पंचायत समिती सभापती सविता कोडापे यांच्या अध्यक्षतेखाली पार पडले.यावेळी उपसभापती होमराज पुस्तोडे,जि.प.सदस्या कविता कापगते,पं.स.सदस्या शालिनी डोंगरवार,गटशिक्षणाधिकारी अनिल चव्हाण, केंद्रप्रमुख नाजूकराम लंजे, पंचशील विद्यालयाचे मुख्याध्यापक व्ही.एम चव्हाण,शिक्षक डी.एच मेश्राम, तालुका विज्ञान संयोजक बनसोड, गटसमन्वयक ढोके व सत्यवान शहारे प्रमुख अतिथी म्हणून उपस्थित होते.तालुक्यातील एकूण प्राथमिक, माध्यमिक, आदिवासी व दिव्यांग गटाचे मिळून चाळीस विद्यार्थ्यांनी तसेच काही शिक्षकांनी सहभाग नोंदविला.मान्यवरांनी विद्यार्थ्यांना मार्गदर्शन केल्यानंतर फीत कापून विज्ञान प्रदर्शनीचे रीतसर उदघाटन केले. त्यानंतर सहभागी विद्यार्थ्यांनी आणलेल्या मॉडेलची पाहणी केली.
दिनांक ११ डिसेंबरला समारोपीय कार्यक्रमाचे अध्यक्ष ग्रामपंचायत बाराभाटी सरपंच सरस्वताबाई चाकाटे होत्या.तर विशेष अतिथी म्हणून उपसरपंच किशोर बेलखोडे, पोलीस पाटील हेमलता खोब्रागडे, गटशिक्षणाधिकारी अनिल चव्हाण, जि.प.प्राथ शाळा बाराभाटी येथील शालेय व्यवस्थापन समितीचे अध्यक्ष पद्माकर रंगारी, पंचशील शाळेचे मुख्याध्यापक व्ही एम चव्हाण, ज्येष्ठ शिक्षक डी.एच मेश्राम, समितीचे पदाधिकारी सौ चौरीकर, सिंहगडे मॅडम तसेच पंचायत समितीचे गट समन्वयक सत्यवान शहारे, ढोके व बनसोड उपस्थित होते. उत्कृष्ट मॉडेल व उत्तम सादरीकरण या जोरावर सर्व तालुकास्तरीय विज्ञान प्रदर्शनी सहभागी विद्यार्थ्यांनी मान्यवरासह परीक्षकांचीही मन जिंकली. निपक्ष:पातीपणे परीक्षकांनी परीक्षण केले. बक्षीस वितरणापूर्वी विद्यार्थ्यांना मान्यवरांनी मार्गदर्शन केले.
या दोन दिवशीय तालुकास्तरीय प्रदर्शनीचे नियोजन उत्तम पद्धतीने यशस्वीरीत्या पार पडल्याबद्दल गटशिक्षणाधिकारी अनिल चव्हाण यांनी पंचशील विद्यालयाचे मुख्याध्यापक व सर्व शिक्षक व शिक्षकेत्तर कर्मचाऱ्यांचे विशेष आभार मानले. उदघाट्नीय कार्यक्रमाचे संचालन सांस्कृतिक प्रमुख टी.के भेंडारकर तर समारोपीय कार्यक्रमाचे संचालन क्रीडा प्रमुख आर डी कोल्हारे यांनी केले. आभार प्रदर्शन गणित तथा विज्ञान शिक्षक ए.डी घानोडे व एन.बी गहाणे मॅडम यांनी मानले. कार्यक्रमाचे छायाचित्रण व व्हिडिओ निर्मितीचे कार्य शाळेतील सहाय्यक शिक्षक जे.एम दोनाडकर यांनी उत्तमरित्या पार पाडले. तसेच कार्यक्रमाच्या यशस्वीतेसाठी विज्ञान शिक्षक पाटणकर, नंदागवळी व इतर सर्व शिक्षक, शिक्षकेत्तर कर्मचारी व स्वयंसेवक म्हणून विद्यार्थ्यांनी दिलेली जबाबदारी यशस्वीपणे पार पाडले. कार्यक्रमाची सांगता वंदेमातरम नी करण्यात आली.
