गोंदिया , ता.11: जिल्ह्यात कार्यरत एक हजार डीसीपीएस शिक्षकांचा अपघाती किंवा आकस्मीक मृत्यू झाल्यास सहा लाखापर्यंत मदत देण्याची मागणी त्या शिक्षकांनी पतसंस्थेचे अध्यक्ष विरेंद्रकुमार कटरे यांना दिलेल्या निवेदनात केली आहे.
१ नोव्हेंबर २00५ नंतर शासकीय सेवेत लागलेल्या कर्मचारीला नविन अंशदायी पेंशन लागू आहे. सेवेत असताना शिक्षकाचा अपघाती किंवा आकस्मीक मृत्यू झाला तर नविन योजनेत कोणत्याही प्रकारचा लाभ शिक्षकाला नाही.कुटुंब नवृत्ती वेतन, अनुकंपा, उपदान ग्रॅच्युटी अश्या सुविधा पेंशन धारकांना आहेत. मृत्यू झाल्यास डीसीपीएस धारकाचा कुटुंब अडचणीत येतो. आकस्मीक घटनांचे प्रमाण कमी असल्यामुळे पतसंस्थेला आर्थिक भूर्दंड सहन करावा लागणार नाही.
यासंदर्भात अध्यक्ष विरेंद्रकुमार कटरे यांच्याशी चर्चा करण्यात आली. चर्चेत मुकेश रहांगडाले, शालीक कठाणे, दत्तात्र्येय बागडे, राज कडव, संदीप सोमवंशी, महेंद्र चव्हाण, सुभाष सोनवाने, जे.डी. म्हशखेत्री, अनमोल उके, मंगला मडावी, संजय उके, धर्मेंद्र नागपुरे, चिंतामन वलथरे, भुमेश्‍वर कटरे, खवासे, डी.सी. रहांगडाले, प्रितम लाडे, राजेंद्र डहाके यांनी सहभाग घेतला होता
