इस्लामाबाद- पाकिस्तानचे माजी लष्करशहा जनरल परवेझ मुशर्रफ यांची सर्व बॅंक खाती आणि इतर संपत्ती गोठविण्याचे आदेश येथील विशेष न्यायालयाने दिले आहेत.
मुशर्रफ यांच्याविरोधात देशद्रोहाचा खटला सुरू आहे. याप्रकरणी मुशर्रफ यांना हजर राहण्याबाबत अनेकदा नोटीस बजावूनही त्याचे पालन न केल्याने ही कारवाई करण्यात आली आहे. मुशर्रफ यांनी शरणागती पत्करेपर्यंत अथवा त्यांना अटक होईपर्यंत या प्रकरणाची सुनावणी स्थगित करत असल्याचेही न्यायालयाने सांगितले.
