ब्रम्हपुरी(चंद्रपूर)दि.19- राज्यातील अहमदनगर जिल्ह्यातील कोपर्डी बलात्कार हत्या प्रकरणावरुन राज्‍यात संतापाची लाट उसळली असतानाच चंद्रपूर जिल्ह्यातील शंकरपूर जवळ असलेल्‍या लावारीच्या जंगलात झाडाला एका अल्पवयीन मुलीचे मृतदेह आढळल्याची घटना आज मंगळवारी उघडकीस आली.या घटनेने परिसरात तणावाचे वातावरण निर्माण झाले आहे. भिसी पोलिस स्टेशन अंतर्गत हा लावारीचा जंगल परिसर येत असून सदर मुलगी ही ब्रम्हपुरी येथील महाविद्यालयात 11 वी च्या वर्गात शिक्षण घेत होती.लवारी येथील रहिवासी असलेली ही मुलगी शनिवारी शिरपूर येथील मैत्रिणीला भेटून गावाकडे निघाली होती.दरम्यान रस्त्यात अज्ञात आरोपींनी तिच्यावर बलात्कार केल्यानंतर खून करून तिचे मृतदेह शव झाडाला टांगून ठेवल्याचा प्राथमिक अंदाज वर्तविला जात आहे. या प्रकरणी पोलिसांनी अकस्मात मृत्यूची नोंद भिसी पोलिसांनी केली असून परिसरात हळहळ व्यक्त केली जात आहे.
