देवरी,दि.२७: होळीचा उत्सव लहान मुलांनी मोठ्या थाटात साजरा करावा या उद्देशाने देवरी येथील लायंस क्लबच्या वतीने गेल्या रविवारी (दि.२४ मार्च) रोजी येथील शंभरावर लहान -लहान मुलां-मुलींना होळी साहित्याचे वाटप लायंस क्लबचे अध्यक्ष पारस कटकवार यांच्या हस्ते करण्यात आले.
हे साहित्य वाटप लायंस क्लबचे अध्यक्ष पारस कटकवार यांच्या अध्यक्षते खाली पार पडले. होळी साहित्यांमध्ये पिचकारी, मुखौटा,रंग,गुलाल,भोंगा, फुगाचा पँकीट व चाँकलेट चा समावेश होता. या प्रसंगी क्लबचे उपाध्यक्ष पिंकी कटकवार, सचिव ज्योती रामटेककर,कोषाध्यक्ष तारेश मेश्राम, सदस्य अनील मेश्राम, संगीता पाटील, सुजीत टेटे यांच्यासह शहरातील प्रतिष्ठीत नागरीक विजय पाटील, रिजवान शेख व सरीता जांगळे आदी प्रामुख्याने उपस्थित होते.
