भंडाराचे नवे जिल्हाधिकारी अभिजित चौधरी

भंडारा : जिल्हाधिकारी धीरजकुमार यांचे गुरूवारला स्थांनातरण झाले. त्यांच्याठिकाणी औरंगाबाद जिल्हा परिषदेचे मुख्य कार्यकारी अधिकारी अभिजीत चौधरी हे नवीन जिल्हाधिकारी म्हणून भंडार्‍यात येणार आहेत.
२00५ च्या तुकडीचे धीरजकुमार मागीलवर्षी भंडार्‍यात रूजू झाले होते. पुणे येथे शिक्षण आयुक्त या पदावर त्यांचे स्थांनातरण झाले आहे. वर्षभरात त्यांनी विविध कामांमध्ये वेग आणला होता. तत्कालीन जिल्हा पोलीस अधीक्षक दिलीप झळके यांच्याशी झालेला वाद वगळता शिस्तप्रिय अधिकारी म्हणून त्यांची ओळख होती. २0११ च्या तुकडीचे अभिजीत चौधरी हे औरंगाबाद जिल्हा परिषदेचे मुख्य कार्यकारी अधिकारी होते.