berartimes.com गोंदिया,दि.22:– गोंदिया- कोहमारा राज्यमार्गा वरील हिरडामालीजवळ मोहगाव फाट्यावर बसची वाट बघत असलेल्या प्रवाशांना राज्य परिवहन मंडळाच्या बसने दोघांना चिरडल्याची घटना आज गुरूवारी सकाळी १०. १५ वाजता दरम्यान घडली.या अपघातातील एका महिलेचा उपचारादरम्यान मृत्यू झाला तर एकजण गंभीर जखमी आहे. त्याच्यावर जिल्हा सामान्य रूग्णालयात उपचार सुरू आहेत. मृत महिलेचे नाव जयवंताबाई मणिराम राऊत रा. मोहगाव बूज वय ६० असे आहे.
गोंदिया आगाराची गोंदिया – तेढा -देवरी बस (क्रमांक एम एच २० ९१७५) या बसच्या स्टेअरिंगचा गुटखा निघाल्याने चालकाचे बस वरील नियंत्रण सुटले आणि बसची वाट बघत असलेल्या प्रवाश्याना धडक दिली. यात दोन्ही प्रवासी गंभीर जखमी झाले. यातील केवलसिंग अंबुले या इसमाच्या पायावरून बसचे चाके गेल्याने पायाचे हाड मोडल्या गेले. तसेच बसचेही थोडे नुकसान झाले कशातरी प्रकारे वाहन चालक लिलाराम हरिणखेडेने बसला थांबविण्याचा प्रयत्न केला. जखमी वर गोंदिया येथील सामान्य रुग्नालय मध्ये उपचार सुरु आहे. राज्य परिवहन मंडळाच्या अधिका-्यांनी घटना स्थळा वर जाऊन पंचनामा केला. आणि जखमी रूग्णांची भेट घेतली.
अपघातातील जखमी महिलेला जेव्हा उपचारासाठी गोंदियाच्या शासकिय रूग्णालया नेण्यात आले. तेव्हा प्राथमिक उपचारानंतर वार्ड क्र. १ मध्ये उपचारासाठी पाठविले. वार्ड क्र. १ मध्ये महिला रूग्ण जखमी अवस्थेत असतांनाही तेथील परीचारीका आणि वैद्यकिय अधिका-याने त्या जखमी महिलेकडे लक्ष न दिल्याने शेवटी नाकातून रक्त निघाल्यानंतर योग्य उपचाराअभावी महिलेने रूग्णालयातच शेवटचा श्वास घेतला.त्यानंतर तेथील वैद्यकिय अधिका-याला जाग आली. तर पायावरून चाक गेलेला जखमी इसम हा स्टे्रचरवर शस्त्रक्रिया रूम समोर अर्धातासापेक्षा जास्त कूठल्याही आरोग्य कर्मचा-याशिवाय एकटा पडून होता. या सर्व प्रकरणावर रूग्णालयाचे प्रभारी वैद्यकिय अधिकारी श्रीमती डॉ. पाटील यांना विचारणा केली असता त्यांनी रूग्णालयातील अपु-या मनुष्यबळामुळे काम करणा-या कर्मा-यांवर ताण पडतो त्यामूळे थोडाफार उशिर झाला असेल असे सांगितले.
