श्रमिक पत्रकार संघाच्या पुरस्कारांसाठी प्रवेशिका आमंत्रित

चंद्रपूर दि. २4 (प्रतिनिधी):चंद्रपूर श्रमिक पत्रकार संघातर्फे ग्रामीण वार्ता पुरस्कार, शुभवार्ता पुरस्कार, मानवी स्वारस्य अभिरूची वृत्तकथा, वृत्तछायाचित्र, दुरचित्रवाणीसाठी उत्कृष्ठ वृत्ताकंन पुरस्कार स्पर्धा आयोजित करण्यात आली आहे. यासाठी १५ जुलै २०१८ पर्यंत प्रवेशिका स्विकारण्यात येतील. तसेच पुरस्कार मिळालेल्या स्पर्धकांनाही स्पर्धेत सहभाग घेत येणार आहे.
ग्रामीण वार्ता पुरस्कार स्पर्धेत चंद्रपूर जिल्ह्यातील ग्रामीण वार्ताहर भाग घेऊ शकतात. या स्पर्धेसाठी परिणामकारक वृत्त, वार्तापत्र, वृत्तमालिका ग्राह्य धरण्यात येतील. स्पर्धेसाठी प्रथम, द्बितीय आणि तृतीय अशा तीन पुरस्कारांसह दोन प्रोत्साहनपर बक्षिसे देण्यात येणार आहेत. रोख पुरस्कार, स्मृतीचिन्ह आणि प्रमाणपत्र असे या पुरस्काराचे स्वरूप आहे.
तसेच स्व. छगनलाल खजांची स्मृती शुभवार्ता पुरस्कार हा केवळ चंद्रपूर शहरातील पत्रकारांसाठी असून, विधायक विषयावर झालेले लिखाण यासाठी पात्र समजण्यात येईल.
लोकसेवा आणि विकास प्रतिष्ठानतर्फे प्रायोजित मानवी स्वारस्याच्या बातमीसाठी विशेष पुरस्कार देण्यात येणार असून, रोख पुरस्कारसह स्मृतीचिन्ह व प्रमाणपत्र असे या पुरस्काराचे स्वरूप आहे. ही स्पर्धा चंद्रपूर जिल्ह्यातील शहरी व ग्रामीण पत्रकारांससाठी खुली राहील.
इतिहास अभ्यासक अशोकqसह ठाकुर प्रायोजित हौशी छायाचित्रकारांसाठी वृत्तछायाचित्र स्पर्धाही घेण्यात येणार असून, ज्यांचे छायाचित्र प्रादेशिक वर्तमानपत्रात प्रकाशित झाले आहे, असे छायाचित्रकार यात भाग घेवू शकतात. रोख पुरस्कारासह स्मृतीचिन्ह आणि प्रमाणपत्र असे या पुरस्काराचे स्वरूप आहे.
स्व. सुशिला राजेंद्र दीक्षित स्मृतिप्रित्यार्थ उत्कृष्ठ वृत्तांकन (टि.व्ही.) पुरस्कार दिला जाणार आहे. या स्पर्धेसाठी दुरचित्रवाणी वृत्तवाहिनीवर चंद्रपूर जिल्ह्यातील प्रसारित बातमी ग्राह्य धरण्यात येईल. स्पर्धेसाठी आपल्या बातमीच्या चार सिडी आपल्या अर्जासह सादर कराव्यात स्पर्धकांनी आपल्या प्रवेशिकासोबत उत्कृष्ट वृत्ताकंन पुरस्कार (टी.व्ही.) असा ठळक उल्लेख करावा.
पुरस्कारासाठी १ एप्रिल २०१७ ते ३१ मार्च २०१८ या कालावधीत प्रकाशित झालेले लिखाण आणि छायाचित्र ग्राह्य धरण्यात येईल. लिखाण मूळ स्वरूपात आवश्यक असून, भाषांतरीत नसावे. स्पर्धा मराठी, हिन्दी, इंग्रजी भाषेसाठी खुली आहे. स्पर्धेसाठी पाठविण्यात येणारे साहित्य मूळ प्रतीसह चार छायांकित प्रतित असावे. मूळ साहित्यावर नाव नसल्यास त्या कालावधीत संबंधित वर्तमानपत्राचा प्रतिनिधी असल्याचा पुरावा प्रवेशिकेसोबत जोडावा. स्पर्धकांनी आपल्या प्रवेशिका सोबत आपली बातमी कोणत्या स्पर्धेसाठी आहे याचा स्पष्ट उल्लेख तपशीलवार करावा. सर्व प्रवेशिका १५ जुलै २०१८ पर्यंत स्पर्धा संयोजक, प्रेस क्लब, जुना वरोरा नाका, चंद्रपूर या पत्त्यावर पाठवाव्या, असे आवाहन स्पर्धा संयोजक जितेंद्र मशारकर, एजाज अली, विनोद बदखल, राजेश निचकोल यांनी केले आहे.