विहिरीत पडले तीन चितळ

सडक अर्जुनी,दि.23ः तालुक्यातील गिरोला येथे एका विहिरीत तीन चितळ पडल्याची घटना सोमवारी सकाळी पाच वाजता घडली.वन परिक्षेत्र अधिकारी कार्यालयाअंतर्गत येत असलेल्या सोंदड वनक्षेत्रातील गिरोला येथील देवराम सुपारे यांचे शेतातील विहिरीत(दि.22)सोमवार ला पहाटेच्या सुमारास दोन मादी एक नर चितळ विहिरीत पडल्याची घटना घडली. यापैकी एका चितळाचे पाय मोडले तर दोन चितळ सुरक्षित होते. त्या दोन्ही चितळांना नजीकच्या जंगलात सोडण्यात आले आहे.जखमी चितळाला नागपूर येथील गोरेवाडा सेंटर येथे ठेवण्यात आले आहे. रात्री पाण्याच्या शोधात किंवा वाघाने केलेल्या हल्ल्यापासून जीव वाचवण्यासाठी हे चितळ धावत सुटले असावेत व विहिरीत पडले असावेत असा अंदाज व्यक्त केला जातो आहे