साकोली,दि.३१-लोकसभेत भाजपचे भंडारा/गोंदियाचे खासदार नाना पटोले हे वेगळा विदर्भ विषयी खासगी विधेयक आणतायत अशी कुणकुण महाराष्ट्रातल्या काँग्रेस- राष्ट्रवादीच्या नेत्यांना लागली. त्यानंतर जणू काय आता संसदेत चर्चा होऊन लगेच विदर्भाचा वेगळा मुद्दा मांडला जाणार अशा आवेशात वातावरण तापवले गेले.वेगळ्या विदर्भाची मागणी ही देशाची फाळणी करणारी मागणी नसून, ही मागणी संविधानाला अनुसरूनच आहे. पश्चिम महाराष्ट्रातील नेत्यांना विदर्भातील शेतकऱ्यांची आत्महत्या,पिडवणूक कशी दिसत नाही हा प्रश्न महत्वाचा आहे. आणि त्यामुळेच श्रीहरी अणे प्रणीत विदर्भ राज्य आघाडी साकोली तालुकाच्यावतीने शनिवारला काँग्रेस ,राष्ट्रवादीसह विदर्भाला विरोध करण्यार्या नेत्यांचा निषेध नोंदवीण्यासाठी शनिवारला साकोलीत निषेध मोर्चा काढण्यात आला. तसेच सदर नेत्यांच्या पक्षांनी वेगळ्या विदर्भाची आपली भूमिका स्पष्ट करावी असे आवाहन करण्यात आले तसेच सरकारला निवेदन देण्यात आले.
विदर्भ राज्य आघाडी साकोली तालुक्याचे प्रभारी राकेश भास्कर यांच्या सोबत विदर्भवादी प्रवीण भांडारकर, दीपक जांभूळकर, शब्बीरभाई पठान, सुनील जांभूळकर, शिवदास भालाधारे, बाळू गिर्हेपुंजे, दीपक क्षीरसागर, लेविन्द्र तोडसाम, सचिन भुजाडे, अविकुमार उजवणे, अरविंद भुजाडे, नितीन मेश्राम, सोपान फरांडे, नितीन चंद्रवंशी, वसंता गोंधळे, रामू लांजेवार, जी.टी. राऊत, आर. एस. गोबाडे, ए.के.मेश्राम, मनीष क्षीरसागर, आकाश बन्सोड, नरेंद्र वाडीभस्मे, रुपेश गायकवाड, योगेश गिर्हेपुंजे, विवेक क्षीरसागर, रोहित लांजेवार, डेविड क्षीरसागर, भाविक लांजेवार, रजत बघेल, शैलेश सूर्यवंशी, नथ्थू नेवारे, प्रीतम सूर्यवंशी, विलास लांजेवार, सुनील सूर्यवंशी,गणेश सूर्यवंशी,रोहित वाडीवे, जाळी कापगते, मा.रा.गोमासे, उमेश भांडारकर, लेखीराम हर्षे, रैलीज मेश्राम, सुभम सोनटक्के, अनिकेत मेश्राम, उमेश सुरासावूत, रोमन लांजेवार, सोहम फटिंग व इतर हजर होते.मोर्चाला सहभागी होवून विदर्भ राज्य आघाडी च्या कार्याला बळकटी देण्याबद्दल समस्त विदर्भवाद्यांचे शब्बीरभाई पठान यांनी आभार मानले.

भंडारा,दि.31 -भंडारा जिल्हा ओबीसी सेवा संघ व महिला ओबीसी संघाची संयुक्त सभा ओबीसी कार्यालय भंडारा येथे आज रविवारला आयोजित करण्यात आली होती कार्यक्रमाचे अध्यक्ष भैय्याजी लांबट होते.यावेळी लाखनीचे डा.अमित गायधनी,आजबले आणि महिला अध्यक्ष मंजुषा बुरडे उपस्थित होते.सर्व प्रथम संत नामदेव महाराजांना वंदन करुन त्यांच्या जिवणावर प्रकाश टाकण्यात आला. ओबीसी सेवा संघाचे कार्य घरा घरात पोहोचविण्याचे आवाहन करीत येत्या 7 आॅगस्ट रोजी आयोजित ओबीसी महाधिवेशनाला जिल्ह्यातून अधिकाधिक बांधवांना उपस्थित राहण्यासाठी प्रचार प्रसार करुन माहिती पोचविण्याचे ठरविण्यात आले.तसेच सर्व ओबीसी पदाधिकारी व समाज बांधवांनी अधिवेशनाला ऊपस्तीथ रहावे असे आवाहन करण्यात आले.संचालन गोपाल सेलोकर अध्यक्ष ओबीसी सेवा संघ यांनी केले तर आभार डा.कुकडे यांनी मानले कार्यक्रम यशस्वीतेकरीता आकरे,नाकाडे, सिगंनजुडे,गायधने,हुड ,सारवे मॅडम भारत मते शंभु बांडेबुचे सुधाकर मोथरकर वहीद शेख गोपाल देशमुख डा.महाजन शैलेश कुकडे वृंदा गायधने देवगडे घनश्याम यांनी सहकार्य केले.

Ø 200 कोटी रुपयाच्या विविध विकास कामांचा शुभारंभ

Ø अविकसित लेआऊटच्या विकासासाठी 100 कोटी रुपये

Ø नागपूर जिल्हा 2 ऑक्टोबर पर्यंत डिजीटल जिल्हा

Ø राज्यातील सर्व ग्रामपंचायती डिजीटल करणार

नागपूर, दि.31 : देशातील मध्यवर्ती व महत्वपूर्ण शहर म्हणून नागपूरचा विकास करतांना केंद्र व राज्य शासनाच्या विविध योजनाची सांगड घालून येत्या तीन वर्षात आंतरराष्ट्रीय शहराप्रमाणे नागपूरचा विकास करण्यात येईल, अशी ग्वाही मुख्यमंत्री देवेंद्र फडणवीस यांनी दिली.
विदर्भ वैधानिक विकास महामंडळ कार्यालयाच्या परिसरात 354 दिव्यांगाना गरजेनुसार आधुनिक साहित्याचे वितरण तसेच दक्षिण- पश्चिम विधानसभा क्षेत्रातील दोनशे कोटी रुपयाच्या विविध विकास कामांचा शुभारंभ मुख्यमंत्री देवेंद्र फडणवीस यांच्या हस्ते झाला. त्याप्रसंगी आयोजित कार्यक्रमात मार्गदर्शन करतांना ते बोलत होते. अध्यक्षस्थानी ऊर्जामंत्री तथा पालकमंत्री चंद्रशेखर बावनकुळे होते. तर विशेष पाहुणे म्हणून महापौर प्रवीण दटके, जिल्हा परिषदेचे अध्यक्षा श्रीमती निशाताई सावरकर, इमारत बांधकाम मजूर कल्याणकारी मंडळाचे अध्यक्ष मुन्नाजी यादव, आमदार सुधाकरराव कोहळे, मितेश भांगडीया, स्थायी समितीचे माजी अध्यक्ष संदिप जोशी, रमेश शिंगाडे, अविनाश ठाकरे, महापालिका आयुक्त श्रावण हर्डीकर, जिल्हाधिकारी सचिन कुर्वे, नागपूर सुधार प्रन्यासचे
सभापती दीपक म्हैसेकर, जिल्हा परिषदेच्या मुख्य कार्यपालन अधिकारी श्रीमती कादंबरी बलकवडे, प्रा. राजीव हडप, श्रीमती सुमित्रा जाधव, प्रकाश भोयर आदी उपस्थित होते.

उपराजधानीचा दर्जा असलेल्या नागपूर शहराचा अपेक्षित विकास झाला नसल्याचे सांगतांना मुख्यमंत्री देवेंद्र फडणवीस म्हणाले की, राज्य शासनाने मिहानसह विविध योजनांच्या माध्यमातून शहराच्या विकासाला चालना दिली आहे.शहराच्या सर्वंच भागात मोठया प्रमाणात विकास कामासाठी निधी उपलब्ध करुन दिला आहे. त्यामुळे मेट्रो रेल्वेसह सुरु असलेल्या कामामुळे रस्ते खोदून ठेवले आहे. येत्या तीन वर्षात ही सर्व कामे पूर्ण करण्यात आल्यानंतर जनतेला सर्व सुविधा उपलब्ध होतील. या विकासकामासाठी जनतेचा सहभाग मिळविण्यासाठी कामाच्या कालमर्यादेचे माहिती फलक प्रत्येक ठिकाणी लावण्यात यावे व कामांचा दर्जा कायम राहावा, यासाठी नागरिकांची समिती तयार करावी अशी सूचना यावेळी केली.
नागरिकांना शासनाच्या सर्व सेवा घरपोच मिळाव्यात यासाठी नागपूर जिल्हा हा 2 ऑक्टोबर पर्यंत डिजीटल जिल्हा करण्यात येणार आहे.या अंतर्गत सर्व ग्रामपंचायती ऑप्टीकल फायबरने जोडण्यात येऊन शाळा, ग्रामपंचायत, प्राथमिक आरोग्य केंद्र सुविधा ऑनलाईन उपलब्ध होतील. जिल्हयात 350 सेवा 2 ऑक्टोबर पर्यंत ऑनलाईन करुन या संपूर्ण सेवा मोबाईल ॲपवर उपलब्ध होणार असल्यामुळे जनतेला यापुढे शासकीय कार्यालयात जाण्याची आवश्यकता राहणार नसल्याचे मुख्यमंत्री देवेंद्र फडणवीस यांनी सांगितले.

डिजीटल क्रांतीमुळे ग्रामीण आणि शहरी भागातील सेवा व सुविधा यामध्ये फरक राहणार नाही. 11 हजार डिजीटल शाळामुळे जिल्हा परिषदेच्या शाळांमध्ये शिक्षण देण्यासाठी पालकांची संख्या वाढत आहे.यावेळी महापौर प्रवीण दटके, आमदार सुधाकर कोहळे, यांनी मार्गदर्शन केले.प्रास्ताविक प्रकाश भोयर यांनी तर आभार प्रदर्शन संदीप जोशी यांनी मानले. संचलन श्रीमती नंदा जिचकार यांनी केले.
यावेळी सामाजिक न्याय विभागाचे उपायुक्त माधव झोड, मुख्यमंत्री सचिवालयाच्या श्रीमती आशा पठाण,महाराष्ट्र राज्य वीज वितरण कंपनीचे मुख्य अभियंता प्रशांत रेशमे तसेच दिलीप दिवे, संजय भेंडे, अनिल वाहने,किशोर वानखेडे, गिरीश देशमुख, गोपाल बोहरे, आशिष पाठक, सचिन कारलकर,श्रीपाद बोरीकर आदी उपस्थित होते.

गोंदिया,दि.31 :- गोंदिया तालुक्यातील चुटिया गावातील प्रगत शील शेतकरी संजय टेंभरे यांनी शेतकऱ्यांनी जास्तीत जास्त सेंद्रीय शेती करावी यासाठी आत्माच्या माध्यमातून चुटिया गावात सेंद्रीय शेती कार्यशाळचे आयोजन केले होते .या कार्यशाळेत आत्माचे अधिकारी तसेच कृषी विभागाचे अधिकारी आणि शेतकरी मोठ्या संख्येत उपस्थित होते .तसेच या कार्यशाळेत कृषी अधिकाऱ्यांनी सेंद्रीय शेतीचे शेतकऱ्यांना महत्व पटवून दिले आणि शेंद्रीय खताची कशा पद्धतीने निर्मिती केली जाते. आणि शेंद्रीय शेतीतून उत्पादित फळ भाज्यां सेवन केल्याने काय फायादे होतात या वर मार्गदर्शन केले. तसेच प्रगतशील शेतकरी संजय टेंभरे यांनी आता पर्यत शेंद्रीय शेतीच्या माध्यमातून उत्पादनात कश्या प्रकारे भर पडते आणि या माध्यमातून आर्थिक उन्नती कशी साधता येईल यावर मार्गदर्शन करत ५० शेतकऱ्यांना सेंद्रीय खत तयार करण्याचे साहित्य वाटप केले त्यामुळे शेतकऱ्यांनी आनंद व्यक्त करत सम्बंधित विभागणी आणखी शेतीच्या योजना शेतकर्यांन पर्यंत पोहचवाव्या अशी मागणी केली आहे

गोंदिया,दि.31 : तंबाखू खाण्यामुळे शरिरावर दुष्परिणाम होतात. सोबतच कर्करोग होण्याची शक्यताही असते. शाळा परिसरातील दुकाने, पानटपरी, हॉटेल्समधून तंबाखूची विक्री होणार नाही, याकडे विशेष लक्ष दयावे. विद्यार्थी आणि लोकांमध्ये तंबाखूच्या दुष्परिणामांची जाणीव करण्यासाठी तंबाखुविरोधी कार्यक्रम राबवावे असे निर्देश जिल्हाधिकारी डॉ.विजय सूर्यवंशी यांनी दिले.
राष्ट्रीय तंबाखू नियंत्रण कायदयाअंतर्गत जिल्हाधिकारी कार्यालयातील सभागृहात जिल्हाधिकारी डॉ.सूर्यवंशी यांच्या अध्यक्षतेखाली सभा आयोजित करण्यात आली. यावेळी ते बोलत होते. सभेला समितीचे सदस्य जिल्हा पोलीस अधीक्षक डॉ.दिलीप पाटील-भुजबळ, सदस्य सचिव जिल्हा शल्य चिकित्सक डॉ.देवेंद्र पातुरकर, सदस्य अन्न सुरक्षा अधिकारी ए.डी.राऊत, विक्रीकर उपायुक्त शिला मेश्राम, जिल्हा माहिती अधिकारी विवेक खडसे, गोंदिया न.प.चे मुख्याधिकारी चंदन पाटील, उपशिक्षणाधिकारी राजन घरडे, आरोग्य विभागाचे डॉ.पटले, न.प.गोंदियाचे डॉ.एन.एन.येडे, केटीएसचे डॉ.मनीष बत्रा, राष्ट्रीय सेवा योजनेचे प्रा.बबन मेश्राम, आकृती थिंक टूडेचे प्रमोद गुडथे यांची उपस्थिती होती.
डॉ.सूर्यवंशी पुढे म्हणाले, गुडाखू व चैनीखैनीच्या उत्पादक कंपन्यांवर अन्न औषध प्रशासनाने धाड मारावी.तसेच या विभागाने दररोज दहा ठिकाणी धाडी मारुन संबंधित वस्तुंची तपासणी करावी. राष्ट्रीय सेवा योजनेच्या माध्यमातून विद्यार्थ्यांना तंबाखू विरोधी कार्यक्रमात सहभाग करुन घ्यावे. जिल्ह्यातील पहिली ते सातवीपर्यंत वर्ग असलेल्या शाळांमधून तंबाखूविरोधी कार्यक्रम राबवावे. विद्यार्थ्यांच्या घरी कोण तंबाखू, बिडी, सिगारेट, गुडाखू खातात याची माहिती संकलीत करावी. प्राथमिक आरोग्य केंद्र, उपकेंद्र येथे
उपचारासाठी येणाऱ्या रुग्णांकडून सुध्दा तंबाखू खातात का याची माहिती घ्यावी.शिक्षकांनी व मुख्याध्यापकांनी सुध्दा शाळांमध्ये तंबाखू खाणे व धुम्रपानावर बंदी घालावी असे सांगून डॉ.सूर्यवंशी पुढे म्हणाले, शाळेच्या 100 मिटर परिसरात तंबाखू विक्री होणार नाही याची काळजी घ्यावी.तंबाखूमुक्त शाळा ही संकल्पना जिल्ह्यात राबवावी. शाळामधून होणाऱ्या पालक सभेव व शाळा व्यवस्थापन समितीच्या सभेत तंबाखूविरोधी जनजागृती करावी. शाळा व परिसरात धुम्रपान करणाऱ्या व्यक्तींची गय केली जाणार नाही असेही ते म्हणाले.
डॉ.भुजबळ म्हणाले, शाळेतील मुख्याध्यापक व शिक्षक हे आदी व्यसनमुक्त झाले पाहिजे. अन्न व औषध प्रशासन विभाग तंबाखू, गुटखा, गुडाखू यावर कारवाई करण्यासाठी धाडसत्र आरंभीत असेल तर त्यांच्या सुरक्षेसाठी पोलीस पथक देण्यात येईल, असेही त्यांनी यावेळी सांगितले.डॉ.पातुरकर यांनी 2 एप्रिल 2016 च्या शासकीय परिपत्रकानुसार दंड जमा करण्यासाठी, धुम्रपान निषेध क्षेत्राचे स्पेसीफिकेशन तसेच आयडीयल डायमेंशननुसार बोर्ड लावणे, कोटपा ॲक्ट 2003 ची मार्गदर्शक तत्वे व या कायदयानुसार तंबाखूमुक्त शाळा अंतर्गत शाळेच्या 100 मिटर परिसरात तंबाखूजन्य पदार्थावर प्रतिबंध याविषयी माहिती दिली.