गोंदिया,दि.१८-महाराष्ट्र राज्य जिल्हा परिषद लिपिकवर्गीय कर्मचारी संघटनेच्यावतीने राज्यात १५ जुर्लेपासून लेखणी बंद आंदोलन सुरु करण्यात आले.शेजारील भंडारा जिल्ह्यातही १५ जुर्लेपासून आंदोलनाला सुरवात झाली.पण गोंदियात मात्र १८ जुर्ले रोजी हे आंदोलन सुरु झाले ते सुध्दा भंडारा येथील काही पदाधिकारी आल्यानंतर.लेखणीबंद आंदोलन म्हणजे कार्यालयात आपल्या जागेवर बसायचे आहे,परंतु कुठलेही काम करायचे नाही.परंतु आज जेव्हा गोंदिया जिल्हा परिषदेत लेखणी बंद आंदोलन पुकारण्यात आले,त्यानंतर मात्र जिल्हा परिषदेच्या सामान्य प्रशासन विभागासह काही विभागाकडे फेरफटका मारल्यावर विचित्र स्थिती बघावयास मिळाली.आंदोलनातील सहभागी सर्व कर्मचारी वर्ग आपल्या कार्यालयात दिलेल्या आस्थापनेवर बसायला मिळेल असी अपेक्षा होती,परंतु तसे दिसून आले नाही.सामान्य प्रशासन विभागाचेच सांगायचे झाले तर या विभागातील मेश्राम,अशोक केंद्रे,लिचडे,पळसकर,खोटेले,इनवाते आदी कर्मचारी हे कार्यालयातून चक्क नदारद होते.ते कार्यालय सोडून लेखणी बंद आंदोलनाच्या नावावर पंचायत समिती कार्यालयांना भेटी द्यायला गेले होते.जातांना त्यांनी आपल्या वरिष्ठांची परवनागी घेतली होती की नाही प्रश्न सध्या अनुत्तरीत असला तरी लेखणीबंद आंदोलनाच्या नावावर काम न करता पंचायत समितीला भेट द्यायला गेलेल्या कर्मचाèयांवर सामान्य प्रशासन विभागाचे अधिकारी कारवाई करतात की गप्प राहतात हे सुध्दा बघावे लागणार आहे.त्यातच भंडारा येथील सीईओनी तर चक्क लेखणी बंद आंदोलनात सहभागी कर्मचारी यांना काम नाही तर वेतन नाही असे पत्रच दिले आहे,तसेच पत्र गोंदियाचे सीईओ देतात की काय याकडे लक्ष लागले आहे.

भंडारा,दि.१८-महाराष्ट्र राज्य विज वितरण कपंनीच्यावतीने वितरीत करण्यात आलेल्या जुर्ले महिन्याच्या विजबिलात अवाढव्य वाढ करुन पाठविलेल्या बिलाचा विरोध करुन भंडारा शहर राष्ट्रवादी काँग्रेस महिला आघाडीच्यावतीने आज सोमवारला हल्लाबोल आंदोलन करुन विज बिलाची होळी करण्यात आली.येथील विज वितरण कपंनीच्या कार्यालयावर मोर्चा काढून निदर्शने करुन शासनविरोधी घोषणा देण्यात आल्या.यावेळी प्रदेश महासचिव धनजंय दलाल,राष्ट्रवादी काँग्रेस महिला अध्यक्ष मिना कुरजेंकर,शहर अध्यक्ष नितिन तुम्हाने,धनजंय सपकाळ,धनराज साठवणे,ललीता रोकडे,हिरा पांडे,जुमाला बोरकर,जयश्री मेश्राम,नेहा शेंडे,स्विटी फाले,प्रेमा गोस्वामी,कार्तिक घोडीचोरर,कलावती सोनवाने,सुनिल आगलावे,भाग्यश्री भोंगाडे,अंजिरा तुमाने,पुष्पा लेंडे,कोमल कुंभलकर,कांता वैद्य,ज्योती न्यायखोर,,रेखा पाठक,निशा न्यायखोर,कविता पारवे,जयश्री लांजेवार यांच्यासह इतर महिला सहभागी झाल्या होत्या.

गोंदिया दि.18: चौथ्या वेतन आयोगापासून लिपीकवर्गीय कर्मचाऱ्यांवर वेतन तफावतीचा अन्याय होत आहे. यावर शासनाने अद्याप तोडगा काढलेला नाही. त्यामुळे राज्यभरातील लिपीकवर्गीय कर्मचाऱ्यांनी आज(दि.18) सोमवारपासून लेखनी बंद आंदोलनाचे हत्यार उपसले आहे. यात जिल्ह्यातील सर्व लिपीकवर्गीय कर्मचारी सहभागी झाले आहे. यामुळे जिल्हा परिषद, पंचायत समितीचे कामकाज ठप्प झाल्यामुळे याचा त्रास सर्वसामान्यांना सहन करावा लागला व त्यांना आल्या पावली परतावे लागले.महाराष्ट्र राज्य जिल्हा परिषद लिपीवर्गीय कर्मचारी संघटनेचे अध्यक्ष एल.पी.ब्राम्हणकर,सचिव गुणवंत ठाकूर,कोषाध्यक्ष मनोज मानकर,जिल्हा परिषद कर्मचारी महासंघाचे अध्यक्ष प्रल्हाद शहारे,संघटनेचे मार्गदर्शक संजय बनकर,एच.व्ही.गौतम,मंजुषा चौधरी,एस.के,तिवारी,पी.पी.काळे,सौरभ अग्रवाल,व्ही.आय.बिसेन,एम.जी.पालीवाल,ए.जे.बिसेन,सौ.एस.आर.वंजारी आदीसह सर्व कर्मचारी यांनी जिल्हापरिषदेच्या प्रवेशद्वारासमोर नारेबाजी करुन आंदोलनाला सुरवात केली.

महाराष्ट्र राज्य जिल्हा परिषद लिपीवर्गीय कर्मचारी संघटनेच्या वतीने विविध मागण्यांसाठी हा बेमुदत लेखनी बंद पुकारण्यात आलेला आहे. लिपीकवर्गीय कर्मचाऱ्यांना १९८६ च्या चौथ्या वेतन आयोगापासून आर्थिक फटका सहन करावा लागत आहे. प्रत्येक वेतन आयोगात या कर्मचाऱ्यांना अन्य शासकीय कार्यालयातील कर्मचाऱ्यांच्या तुलनेत मोठ्या प्रमाणात तथाफवत निर्माण होत आहे. याबाबत कर्मचारी संघटनेने अनेकदा ग्रामविकास मंत्र्यांकडे कैफियत मांडली. लिपीकवर्गीय कर्मचाऱ्यांचे वेतनश्रेणीत सुधारणा करणे, कर्मचाऱ्यांच्या प्रशासकीय बदल्यांबाबतचे अन्यायकारक धोरण रद्द करणे, लिपीकवर्गीय कर्मचाऱ्यांच्या कर्तव्यसुची निश्चित करून मिळणे, शिक्षक व शिक्षकेत्तर कर्मचाऱ्यांच्या पाल्यांप्रमाणे लिपीकवर्गीय कर्मचाऱ्यांच्या पाल्यास सर्व स्तरावर नि:शुल्क शिक्षण सवलत मिळणे, वाहनचालकाप्रमाणे लिपीकवर्गीय कर्मचाऱ्यांना अतिकालीक भत्ता मिळणे, पदोन्नतीधारकास वरिष्ठ पदाचे किमान मुळवेतन मिळणेसाठी अधिसुचनेत सुधारणा करणे, एमपीएससी परीक्षेसाठी ४५ वर्षवयोमर्यादेपर्यंत सवलत मिळणे, जुनीच सेवानिवृत्ती वेतन योजना चालु करावी, आरोग्य केंद्रात सहाय्यक प्रशासन पद तयार करावे, पदविधर लिपीकांना वरिष्ठ वेतनश्रेणी लागू करावी.मात्र, केवळ आश्वासन देवून त्यांना खाली हाताने परतवीले. यावर तोडगा निघालेला नाही. त्यामुळे राज्यभर बेमुदत लेखनी बंद आंदोलन पुकारण्यात आले आहे.

नागपूर,दि.18- शिक्षण संस्थेत सुरु असलेल्या गैरव्यवहाराची बातमी करण्यासाठी गेलेल्या इलेक्ट्रॉनिक माध्यमांच्या पत्रकारांवर संस्थाचालकांनी आज सोमवारला हल्ला करुन मारहाण केल्याची घटना हिंगणा येथील अहिल्यादेवी होळकर आश्रम शाळेत घडला.हिंगणा येथील अहिल्यादेवी होळकर आश्रम शाळेत अनेक घोटाळे असल्याच्या तक्रारी होत्या.याच विषयावर बातमी करण्यासाठी महाराष्ट्र १ न्यूज चॅनेलचे प्रतिनिधी गजानन उमाटे व कॅमेरामन सौरभ होले,आयबीएन लोकमतच्या प्रतिनिधी सुरभी शिरपूरकर,कॅमेरामन प्रशांत मोहिते व सुनील लोंढे यांना आज धक्कामुक्की करून मारहाण करण्यात आली तसेच त्यांची गाडी जाळण्याची धमकीही देण्यात आली.या संस्थेत खोटी पटसंख्या दाखवून अनुदान लाटले जात असून अनेक गैरप्रकार सुरु असल्याचेही सांगितले जात होते.या सर्व आरोपांची शहानिशा कऱण्यासाठी संस्थेत गेले असता तेथे संस्थाचालक श्रीकृष्ण मते आणि त्यांच्या मुलांसह काही कर्मचार्‍यांनी पत्रकारांवर हल्ला करीत त्यांना मारहाण केली.
महिला पत्रकारही या मारहाणीतून सुटल्या नाहीत.या सर्व घटनेचे विडीओ रेकॉर्डिंग देखील संबंधित पत्रकारांजवळ आहे.घटनेनंतर पिडीत पत्रकारांनी हिंगणा पोलीस स्टेशन गाठले असून आरोपींविरुद्ध गुन्हा नोंदविण्याच्या तयारीत आहेत.तसेच संस्थाचालक देखील आपल्या समर्थकांसह पोलीस स्टेशनमध्ये उपस्थित आहेत. या घटनेमुळे प्रसार माध्यमामध्ये संतापाची लाट उसळली असून आरोपी संस्थाचालकांविरुद्ध कडक कारवाई करण्याची मागणी होत आहे.

गडचिरोली,दि.१८: २५ जून च्या मध्यरात्री रत्नाकर गायकवाड व सहकाऱ्यांच्या इशाऱ्यावर मुंबईतील दादरस्थित डॉ. बाबासाहेब आंबेडकर भवन हे ऐतिहासिक केंद्र पाडण्यात आले. या घटनेचा निषेध करण्यासाठी काल गडचिरोलीत विविध आंबेडकरी संघटनांनी एकत्र येऊन सरकार व प्रशासनावर जोरदार ताशेरे ओढले.
इंदिरा गांधी चौकात झालेल्या या सभेला बहुजन युवा मंचचे डॉ कैलाश नगराळे, प्रा. पंडित फुलझले, दर्शना मेश्राम, प्रणिता रायपुरे, कवी प्रभू राजगडकर, अखिल भारतीय आदिवासी महासभेचे प्रदेशाध्यक्ष हिरालाल येरमे, भारिप बहुजन महासंघाचे जिल्हाध्यक्ष रोहिदास राऊत, भारतीय कम्युनिस्ट पक्षाचे जिल्हा सचिव डॉ महेश कोपुलवार प्रमुख अतिथी म्हणून उपस्थित होते.
भारतीय बौद्ध महासभेचे जिल्हाध्यक्ष सी.पी.शेंडे अध्यक्षस्थानी होते.