अमरावती,दि.29-संपूर्ण मराठी चित्रपट श्रुष्टीत मराठी माणसाला याड लावणारी सैराट टीम अमरावती येथील आमदार रवि राणा यांच्या युवा स्वाभिमानने आयोजित केलेल्या दहिहंडी स्पर्धेत हजेरी लावली, सर्व तरुणांची आवडते आर्ची, परशा, लंगड्या आणि सल्याला पाहण्यासाठी तरुणांनी अलोट गर्दी केली होती.
अमरावती येथील स्थानिक राजापेठ येथे दरवर्षी आमदार रवि राणा यांची युवा स्वाभिमान द्वारा विदर्भ स्तरीय दहीहंडीचे आयोजन केल्या जाते. यावर्षी सैराट टीम येणार असल्याने नागरिकांनी व महाविद्यालयीन तरुणांनी सकाळ पासूनच मोठी गर्दी केलि होती. सैराट टीम स्टेजवर येताच डीजेच्या तालावर “झाल झिंग झिंग झिंगाट” गाण लागताच तरुणांनी व सैराट टीमने एकच ताल धरला.तरुणांसोबत संवाद साधताना सैराट चित्रपटातील प्रसिद्ध “काय बघतोय रे….” हा डायलॉग आकाश ठोसर, रिंकू राजगुरु यांनी त्यांच्या ख़ास शैलितुन सादर केला. यावेळी अंबा नागरीतील तरुण तरुणी सैराट पहायला मिळाले.
लाखो रुपयांच्या अनेक बक्षीसा सोबत हा सोहळा पार पडला. यावेळी आमदार रवि राणा यांच्या सुपुत्रीचा नामकरण विधि सर्व धर्मीय धर्मगुरुच्या उपस्थितीत पार पडला. यावेळी रणवीर रवि राणा असे नामकरण करण्यात आले.aसोबतच आपली राजापेठ येथील दहिहंडी स्वतंत्र विदर्भाला समर्पित आहे असे यावेळी रवि राणा यानी घोषित केले.यावेळी लाखो च्या वर जनसमुदाय उपस्थित होता. यावेळी आमदार रवि राणा, नवनीत राणा, चंद्रकुमार जाजोदिया, विनोद गुहे, नगर सेवक विजय नागपुर, सुनील काळे या सह अनेक नागरिक उपास्थि होते.
