berartimes.com
गोंदिया,दि.6: महाराष्ट्र राज्य लोकसेवा आयोगामार्फेत जिल्हा महिला बालविकास अधिकारी (गट ब)या पदासाठी घेण्यात आलेल्या परीक्षेत गोंदिया तालु्क्यातील धापेवाडा निवासी किर्तीकुमार प्रकाश कटरे याने मागासवर्गीय गटात दुसरा येण्याचा मान पटकाविला आहे. किर्तीकुमार कटरे यांचे शिक्षण धापेवाडा व गोंदिया येथे झाले आहे. एमपीएससीच्या परीक्षेत राज्यात द्वितीय आल्याबद्दल धापेवाडा येथील नागरिकांनी त्याचे अभिनंदन केले आहे. एमपीएससीच्या परीक्षेत उत्तीर्ण होणारा गावातील पहिलाच युवक असल्याने आनंदाचे वातावरण आहे. महिला बाल विकास अधिकारी या पदावर किर्तीकुमारची निवड झाली असून प्रशिक्षणासाठी गेलेला आहे. त्याच्या यशाबद्दल सर्वत्र अभिनंदन केले जात आहे.
