मुंबई-हिंदी सिनेसृष्टीमध्ये आपल्या वेगळ्या भूमीकांसाठी ओळखला जाणारा अभिनेता अश्रफूल हक याचे आज निधन झाले. जंगल, फुकरे, दिवार, ब्लॅक फ्रायडे, पान सिंग तोमर या आणि अशा इतर ३० सिनेमांमध्ये आपल्या अभिनयाचा ठसा उमटवणा-या अश्रफूलचा अचानक मृत्यू झाल्याने बॉलिवूडला धक्का बसला आहे.
दिल्लीतील नॅशनल स्कूल ऑफ ड्रामामधून पदवीचे शिक्षण पूर्ण करुन अश्रफूल बॉलिवूडमध्ये नशिब आजमवण्यासाठी मुंबईत दाखल झाला. आसाममधील गोलपारासारख्या लहान शहरातून बॉलिवूडमध्ये दाखल झालेला अश्रफूल अगदी कमी वेळात आपल्या वेगळ्या भूमिकांमधील अभिनयाने समीक्षकांबरोबरच प्रेक्षकांच्याही लक्षात राहीला. अश्रफूलला बोन मॅरोशी संबंधीत असाध्य आजाराने ग्रासले होते. मागील काही दिवसापासून अंधेरीतील एका खाजगी रुग्णालयातील अतिदक्षता विभागात त्याच्यावर उपचार सुरु होते. मात्र आज सकाळी त्याची प्राणज्योत मलवली. तो ४५ वर्षाचा होता.
सिनेमांबरोबरच काही टिव्ही कार्यक्रम आणि जाहिरातींमधूनही अश्रफूलने छोट्या पडद्यावर आपली अदाकारी सादर केली. अश्रफूल मुंबईत आपल्या पत्नीबरोबर राहत होता.
