:- रेव्यानीच्या स्मृतींना उजाळा देण्यासाठी होणार भव्य वृक्षारोपण
गोरेगाव,दि.२६ :- राज्य शासनाने तीन वर्षात ५० कोटी वृक्ष लागवड करण्याचे उद्यिष्ट ठेवले आहे. यावर्षी १३ कोटी वृक्षारोपण करण्याचा संकल्प घेण्यात आला आहे. यासाठी गोंदिया जिल्ह्यातील वांढरा चिचगड येथुन जनजागृतीसाठी २८ जुन रोजी वृक्षदिंडी निघत आहे. ही दिंडी गोरेगाव वनपरिक्षेत्राअंतर्गत येणा-या पिंडकेपार या गावी पोहचणार आहे. दिंडीचे स्वागत करण्यासाठी वनविभाग व पिंडकेपार वासी सज्ज झाले आहे. विषेश म्हणजे, १३ कोटी वृक्ष लागवड वनमोहस्तवानिमित्त रेव्यानी च्या स्मृतींना उजाळा देण्यासाठी जिल्हा परिषद शाळा पिडकेपार येथे वृक्षारोपण करून त्या वृक्षांना दत्तक घेण्याचा मानस तेथील गावक-यांनी घेतला आहे.
यावर्षी राज्यात १३ कोटी वृक्ष लागवड करण्यात येणार आहे. यामध्ये गोंदिया जिल्ह्यात ३१ लाख ६४ हजार वृक्षारोपण करण्यात येणार आहे. जनजागृती करण्यासाठी वांढरा येथुन वृक्षदिंडीची सुरवात वित्त नियोजन व वने महाराष्टÑ राज्य मंत्री सुधिर मुंनगंटीवार यांच्या हस्ते केले जाणार आहे. कार्यक्रमाचे अध्यक्ष समाज कल्याण व सामाजीक न्याय मंत्री राजकुमार बडोले, खासदार अशोक नेते, आमदार संजय पुराम, वनविकास महामंडळ चंदनसिंग चंदेल, वांढरा ग्रामचे सरपंच मिराताई कुंजाम,, विधान परिषद सदस्य नागो गानार, रामचंद्र आंबटकर, परिणयम फुके आमदार विजय रहांगडोाले, आमदार अनिल सोले, जिल्हाधिकारी कादंबरी बलकवडे, मुख्य वनसंरक्षक संजय गौड, उपवनसरंक्ष मल्लिका अर्जुन, वनराई अध्यक्ष डॉ. गिरीश गांधी, जि.प. उपाध्यक्ष, अल्ताफ हमीद, आदि उपस्थित राहणार आहेत. हे दिंडी सडक अर्जुनी व गोरेगाव तालुक्यातील पिंडकेपार येथे पोहोचणार आहे. यासाठी जिल्हा परिषद शाळा पिंडेपार येथे वृक्षदिंडीचे भव्य स्वागत होणार असुन या निमित्ताने स्वर्गीय रेव्यानी राधेश्याम रहांगडाले च्या स्मृतींना उजाळा देण्यासाठी भव्य वृक्षारोपण करण्यात येणार आहे. या रोपट्यांना गावकरी व जिल्हा परिषद शाळा पिंडकेपार कडुन दत्तक घेण्यात येणार आहे. यासाठी गावकरी व युवक सज्ज झाले आहेत.
