उस्मानाबाद – कोपर्डी घटनेतील आरोपींना फासावर लटकवा, या मागणीसह मराठा समाजाच्या विविध मागण्या घेऊन आज (शुक्रवारी ) जिल्हाधिकारी कार्यालयावर मोर्चा काढण्यात आला. या मोर्चामध्ये लाखो अधिक समाजबांधव सहभागी झालेत. दरम्यान, शहरातील सर्व शाळा शुक्रवारी बंद ठेवण्यात आल्या होत्या. शिवाय शहरही कडकडीत बंद होते.कोपर्डी येथील अल्पवयीन मुलीवर हिंस्र पद्धतीने अत्याचार करण्यात आल्याने मराठा समाजामध्ये असंतोष असून, ही खदखद मराठा समाजाच्या आंदोलनाच्या माध्यमातून बाहेर पडत आहे.मराठाक्रांती मोर्चासाठी पोलिसांनी 600 पोलिस कर्मचारी, 70 अधिकारी नियुक्त केले होते. लातूर, जालना, बीड येथून 50 अधिकारी – कर्मचाऱ्यांची कुमक मागविली होती तर राज्य राखीव पोलिस दलाच्या दोन तुकड्या, दंगल नियंत्रण पथकांची नेमणूक केली होती.
