वाशिम, दि. २६ – इयत्ता पहिली ते सातवीपर्यंतच्या २०७ विद्यार्थ्यांना शिकविण्याकरिता केवळ ५ शिक्षक कार्यरत आहेत. यामुळे विद्यार्थ्यांचे शैक्षणिक नुकसान होत आहे. तथापि, रिक्त असलेल्या शिक्षकांची पदे भरण्याकडे दुर्लक्ष करणा-या प्रशासनाचा निषेध नोंदविण्यासाठी चक्क जिल्हा परिषद कार्यालयासमोर विद्यार्थ्यांची शाळा २६ आॅगस्ट रोजी दुपारी १ वाजताच्या दरम्यान भरविण्यात आली. यासंदर्भात तालुक्यातील वारला येथील पालकांनी प्रशासनाला अवगत सुध्दा केले होते मात्र त्याची दखल न घेतल्याने हे आंदोलन करण्यात आले.
