मुंबई दि.२१-: राष्ट्रवादी काँग्रेसचे अध्यक्ष शरद पवार मतदान कोणत्या पक्षाला करणार? असा प्रश्न उभा राहिला आहे. कारण मुंबईतल्या ज्या वॉर्ड क्रमांक 214 मध्ये पवारांचं मतदान आहे, त्या वॉर्डात राष्ट्रवादीचा उमेदवारच नाही.त्यामुळे शरद पवार ज्यावेळी मतदानाचा हक्क बजावण्यासाठी मतदान केंद्रावर जातील, त्यावेळी ते कोणत्या पक्षाच्या उमेदवाराला मतदान करतील, याबाबत चर्चा सुरु झाली आहे.वॉर्ड क्रमांक 214 मध्ये शिवसेनेकडून अरविंद बने, भाजपकडून अजय पाटील, काँग्रेसचे कौशिक शहा आणि मनसेचे धनराज नाईक रिंगणात आहेत.त्यामुळे शरद पवार कोणाला मतदान करणार याची उत्सुकता आहे.
