| नागपूर,दि.01 – भारताविरुद्धच्या पाचव्या व अंतिम एकदिवसीय सामन्यात आज (रविवार) प्रथम फलंदाजी करताना ऑस्ट्रेलियाने भारतासमोर धावांचे आव्हान ठेवले. सलामीवीर डेव्हिड वॉर्नर (53 धावा – 62 चेंडू) याच्या अर्धशतकाचा अपवाद वगळता अन्य कोणत्याही फलंदाजास मोठी खेळी करण्यात अपयश आल्याने ऑस्ट्रेलियाचा डाव तुलनात्मकदृष्टया कमी धावांत आटपला.भारताविरूद्ध एकदिवसीय मालिकेतील पाचव्या आणि शेवटच्या सामन्यात ऑस्ट्रेलियाने 50 षटकात 9 विकेट गमवून भारतासमोर विजयासाठी 243 धावांचे आव्हान आहे. पाठलाग करताना टीम इंडियाने 27 षटकात 143 धावा केल्या आहेत. क्रीजवर विराट कोहली (8) आणि रोहित शर्मा (74) खेळत आहेत.
दरम्यान, सुरूवातीला फलंदाजी करताना ऑस्ट्रेलियाने 50 षटकांत 9 विकेट गमावून 242 धावांपर्यंत मजल मारली. यात डेविड वॉर्नरने 53, मार्क स्टोयनिसने 46 आणि ट्रेविस हेडने 42 धावां जोडल्या. भारताकडून अक्षर पटेलने 3 तर जसप्रीत बुमराहने 2 विकेट पटकावल्या. टीम इंडियाने यापूर्वीच 3-1 ने मालिका आपल्या नावावर केली आहे.
तत्त्पूर्वी, वॉर्नर व ऍरॉन फिंच (32 धावा – 36 चेंडू) यांनी आज पुन्हा एकदा ऑस्ट्रेलियासाठी अर्धशतकी सलामी दिली. भारतीय गोलंदाजांवर पहिल्या टप्प्यात पूर्ण प्रभुत्व गाजविलेली ही जोडी हार्दिक पांड्या (14 धावा – 1 बळी) याने फिंच याला बाद करत फोडली. यानंतर आलेला कर्णधार स्टीव्हन स्मिथ (16 धावा – 25 चेंडू) हा फारशी चमक दाखवू शकला नाही. केदार जाधव (48 धावा – 1 बळी) याने त्याला पायचीत करत भारतासमोरील मोठा अडसर दूर केला.
स्मिथसह वॉर्नर व पीटर हॅंड्‌सकोम्ब (13 धावा – 17 चेंडू) हे फलंदाजही परतल्याने अडचणीत सापडलेल्या ऑस्ट्रेलियास ट्रॅव्हिस हेड (42 धावा – 59 चेंडू) व मार्कस स्टॉईनीस (46 धावा – 63 चेंडू) यांनी सावरले. हेड व स्टॉईनीस यांच्यात झालेली 87 धावांची भागीदारी ऑस्ट्रेलियाच्या आव्हानामधील मुख्य भागीदारी ठरली.
भारताकडून अक्‍सर पटेल (38 धावा – 3 बळी) याने महत्त्वपूर्ण योगदान दिले. याशिवाय भुवनेश्‍वर कुमार (40 धावा – 1 बळी), पांड्या आणि जाधव यांनी प्रत्येकी एकेक बळी घेतला; तर जसप्रित बुमराह (51 धावा – 2 बळी) याने दोन बळी घेत ऑस्ट्रेलियाचा डाव रोखण्यात मोलाची कामगिरी बजावली. |
