उमरेड-कर्‍हांडलातून चांदी वाघिणीचे 3 बछडे गायब

गोंदिया,दि.30-शेजारील भंडारा व नागपूर जिल्ह्यातील उमरेड-कर्‍हांडला जंगलातून चांदी वाघिणीचे तीन बछडेही गायब झाल्याची धक्कादायक माहिती समोर आली आहे.गेल्या महिन्यांपासून हे तिन्ही बछडे चांदी वाघिणींसोबत दिसत नाही. तर गेल्या चार महिन्यांपासून जय हा वाघही बेपत्ता आहे. आता चांदी वाघिणीचे तीन बछडेही गायब झाल्याने वन विभागाला हा दुसरा मोठा धक्का बसला आहे. चांदी वाघिणीने सहा महिन्यांपूर्वी चार बछड्यांना जन्म दिला आहे. पण सध्या चांदीसोबत फक्त एकच बछडा आहे. चांदी वाघिणीच्या या तीन बछड्यांसोबत घातपात झाल्याचीही भीती व्यक्त केली जात आहे. कारण सहा महिन्या बछडे आपल्या आईला सोडत नाही.असे असताना हे बछडे कुठे गेले याची माहिती सुध्दा वनविभागाचे प्रमुख स्पष्टपणे देऊ शकलेले नाहीत.