विशेष प्रतिनिधी
जालना,दि.7 :महाराष्ट्रात गेल्या अनेक दिवसापासून पोलीसावर होत असलेल्या हल्यामुळे पोलीस कर्मचारी चांगलेच संतापले असून असुरक्षेची भावना निर्माण झाली आहे.विलास शिंदे यांच्या मृत्यूचे प्रकरण शांत होत नाही,तोच जालन्यात भाजप आमदाराच्या अररेरावीला कंटाळून बदनापूरच्या पोलिस निरीक्षक विद्यानंत काळे यांनी कुटुंबासह आत्महत्या करण्याचा एसएमएस थेट पोलिस अधीक्षकांना पाठविल्याने चांगलीच खळबळ माजली आहे.या घटनेमुळे पोलीस महासंचालकानी त्वरीत चौकशीचे आदेश दिले असून तीन दिवसापासून बेपत्ता असलेले काळेंचा आज शोध लागलेला आहे.
2 ऑगस्टला गणेशोत्सवाच्या पार्श्वभूमीवर व्यापाऱ्यांना कलम 68 अंतर्गत गुलाल विकण्यास पोलिसांनी बंदी घातली. व्यापाऱ्यांनी याची तक्रार नारायण कुचेंकडे केली. यानंतर कुचेंनी विद्यानंद काळे यांना फोन करुन अर्वाच्य शिवीगाळ केली आणि धमकीही दिली.त्यामुळे 3 सप्टेबरला विद्यानंद काळेंनी एसपींना मेसेज करुन आपले फोन बंद केले आणि कुटुंबासह घर सोडून निघून गेले. गेले तीन दिवस जालना पोलिस विद्यानंद काळेंचा शोध घेत होते.
आदरणीय, पोलिस अधीक्षक
मी विद्यानंद काळे. सध्या बदनापूर पोलीस ठाण्यात पोस्टिंगला आहे. पण मी इथे आल्यापासूनच भाजप आमदार नारायण कुचे कार्यालयीन कामात अडथळे आणतात.त्यांचं ऐकलं नाही तर धमकावतात. त्यांच्या अपमानास्पद वागणुकीच्या सगळ्या क्लिप्स आणि स्टेशन डायरीच्या नोंदी माझ्याकडे आहेत.याआधीही नारायण कुचे यांच्या तक्रारी करुन काहीही झालं नाही. ही व्यवस्था पोलिसांचं संरक्षण करण्यास कमजोर आणि कुचकामी आहे.
त्यामुळे मी माझ्या कुटुंबासह आत्महत्या करण्याचा विचार करतोय. कुचेंविरोधातील सगळे पुरावे मी मुख्यमंत्री आणि पंतप्रधान कार्यालयास पाठवत आहे
– विद्यानंद काळे
