berartimes.com
गोंदिया,दि.8:- गोंदिया वनविभागाच्या चमूने आज गुरुवारला महाराष्ट्र मध्यप्रदेश सीमेवरील रजेगावजवळील वाघनदीला लागून असलेल्या कोरणी गावाजवळ दुचाकीमोटारसायकलने चंदनाची तस्करी करणार्या दोघांना वाहनासह ताब्यात घेतले.वनपरिक्षेत्राधिकारी अजय मेश्राम व क्षेत्रसहाय्यक अरुण साबडे यांना मिळालेल्या गुप्त माहितीच्या आधारावर वनविभागाचे गस्तपथक हे कोरणीगावाजवळ सकाळपासूनच या तस्कराच्यामागावर होते.ते मध्यप्रदेशातून कोरणीत येताच त्यांना ताब्यात घेतले असता त्यांच्याकडे 61 किलो चंदनाच्या काड्या आढळून आल्या. मोहमद फैय्याज अंसारी(वय 44,रा.हाजिगंज जि.कनोज,उत्तरप्रदेश) व रामगोपाल बनकर रा.बगडमारा ता.किरनापूर,जि.बालाघाट असे पकडलेल्या चंदनतस्कराचे नाव आहे.
पकडण्यात आलेल्या चंदनाची किमत २ लाख रुपये असून ५० हजार किमतीची दोन दुचाकी वाहने जप्त करण्यात आली आहे. पकडलेल्या आरोपींनी दिलेल्या माहितीनुसार २८ वर्षीय मुख्य आरोपी मोहंमद सययद नागपुरातील रहिवाशी असून तो अतर विक्रीचा व्यवसाय करतो.त्याच्याकडेच हा चंदन चालला होता.आरोपीकडून विचारपूस केल्यानंतर त्यांना सोबत घेऊन वनविभागाचे पथकाने नागपूर गाठून मुख्य आरोपी असलेल्या मोहम्मद सय्यद याच्या घराची तपासणी सुरु केली आहे.मोह्हमद सय्यद चंदन नागपूरातून उत्तरप्रदेशात पाठविण्याची व्यवस्था करायचा अशी माहिती वनविभागाच्या हाती आली असून गोंदिया स्थानिकमध्ये कुणाशी संबध आहेत काय याचाही तपास वनविभागाचे अधिकारी घेत आहेत.
