नवी दिल्ली – दिल्ली विधानसभा निवडणुकांपूर्वी भारतीय जनता पक्षाला (भाजप) मोठा धक्का बसला असून, भाजपच्या मुख्यमंत्रीपदाच्या उमेदवार किरण बेदी यांचे प्रचारप्रमुख नरेंद्र टंडन यांनी राजीनामा दिला आहे.
भाजपचे सदस्य असलेले आणि बेदी यांच्या प्रचाराची धुरा संभाळणाऱ्या टंडन यांनी बेदींना लक्ष्य करत राजीनाम्याचा निर्णय घेतला. त्यांनी बेदींच्या हुकुमशाही प्रवृत्तीमुळे आपण राजीनामा देत असल्याचे म्हटले आहे. आपल्याला अनेकवेळा बेदी आणि त्यांच्या सहकाऱ्यांकडून अशी वागणूक मिळाल्याचेही टंडन यांनी सांगितले.
टंडन हे भाजपचे गेल्या 30 वर्षांपासून सदस्य होते. त्यांनी आपला राजीनामा भाजपचे राष्ट्रीय अध्यक्ष अमित शहा यांच्याकडे सोपविला आहे.
