एनआरएचएम कर्मचार्‍यांचा आज गोंदियात मोर्चा

गोंदिया दि.३: राष्ट्रीय ग्रामीण आरोग्य अभियानांतर्गत कार्यरत कंत्राटी अधिकारी व कर्मचार्‍यांना शासनाच्या सेवेत रिक्त पदांवर बिनशर्त समायोजनाकरिता सुरू असलेल्या आंदोलनाचा एक भाग म्हणून दि.३ रोजी भव्य मोर्चाचे आयोजन करण्यात आले आहे. सकाळी ११ वाजता सुभाष मैदान येथून जिल्हाधिकारी कार्यालयावर हा मोर्चा नेला जाणार आहे. पहिल्या टप्प्यात काळ्या फिती लावून काम करण्यात आले. मात्र शासनाने त्या आंदोलनाची दखल घेतली नाही. त्यामुळे दुसर्‍या टप्प्यात दि.३ ला जिल्हाधिकारी कार्यालयावर मोर्चा काढला जाणार आहे.